Aımaqtar • 27 Qyrkúıek, 2020

Qazaqstandaǵy qos Aqtaýdyń basshylary kezdesti

329 ret kórsetildi

Elimizde attas eki Aqtaý bar. Biri - elimizdiń ońtústik batysynda Kaspıı jaǵalaýynda ornalassa, ekinshisi - Saryarqanyń tósinde jaıǵasqan, dep habarlaıdy Egemen.kz.

Batystaǵy Aqtaý - Mańǵystaý oblysynyń ortalyǵy, ekinshi Aqtaý - Qaraǵandy oblysyndaǵy shaǵyn kent. Shaǵyn kenttiń basshysy bastaǵan qonaqtar oblys ortalyǵy – Aqtaý qalasyna keldi. Bul týraly Mańǵystaý oblysy qoǵamdyq kommýnıkasııa ortalyǵy habarlady.

Qala qonaqtary Mańǵystaýdyń keremetterin tamashalap, abyz jazýshy Á.Kekilbaev mýzeıine bardy jáne Saryarqa kitaphanasynyń jınaǵy«Saryarqa aqyndarynyń óleńderi» atty 100 tomdyq pen «Elbasyna tuǵyr bolǵan Saryarqa» kitabyn syıǵa tartty.

-Búgin erekshe kún. Qala ákimi Nurdáýlet Igilikulynyń shaqyrtýymen Mańǵystaýdyń ortalyǵyna keldik. Delegasııa quramynda metallýrg, Tuńǵysh Prezıdent, Elbasy Nursultan Nazarbaevpen birge oqyp, Temirtaýdaǵy kombınatta jumys istegen zamandastary Kýanysh Omashev pen Toqtarhan Isqaqov bar. Bul ıgi bastama kópshilikke úlgi bolady degen senimdemin. О́ıtkeni, elimizde qalalar baılanysynyń damýy birneshe salanyń tamyryna qan júgirtedi. Bir jaǵynan jastarǵa úlgi bolady degen senimdemin. Qaraǵandy oblysyndaǵy Aqtaý kentinde kezinde 40 myńǵa jýyq halyq turdy. Qazir turǵyndar sany 7 myńǵa jýyqtaıdy, - Aqtaý kentiniń ákimi Altynbek Esmurzaev.

Shara aıasynda qos Aqtaýdyń ákimderi ózara yntymaqtastyqty damytý maqsatynda memorandýmǵa qol qoıdy.

-Búgin eki óńirdiń arasynda saýda jáne ekonomıkalyq qatynastardy ornatý maqsatynda bilim, mádenıet, densaýlyq salasynda ortaq jobalardy iske asyrý maqsatynda memorandýmǵa qol qoıdyq. Aldaǵy ýaqytta tyǵyz áriptestik qarym-qatynasta bolamyz degen úmittemin, dedi Aqtaý qalasynyń ákimi Nurdáýlet Qılybaı.

 


Mańǵystaý oblysy

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar