Oǵan elimizdiń Qarýly Kúshteriniń áskerı túrleri men tekterinen, óńirlik qolbasshylyqtar men joǵary áskerı oqý oryndarynan 14 komanda boıynsha 140-tan astam áskerı qyzmetshi qatysýda.
Jarys baǵdarlamasyna «ofıserlik úsh saıys» (Makarov tapanshasynan atý, júgirý jáne júzý) jáne «áskerı úsh saıys» (Kalashnıkov avtomatynan atý, F-1 granatasyn laqtyrý kedergiler jolaǵynan ótý) kiredi. Ár saıys belgili bir sheberlik pen jaqsy dene shynyqtyrýdy qajet etedi. Júzýde kúsh pen tehnıka, júgirýde – tózimdilik pen jyldamdyq, atýda-qoldyń dáldigi men qattylyǵy qajet.
-2017 jyly «Dene shynyqtyrý jáne sport týraly» QR Zańyna ózgerister engizildi. Onyń negizinde normatıvtik-sporttyq biliktilikke sáıkes áskerı qyzmetshilerge áskerı – qoldanbaly sport túrleri boıynsha «Qazaqstan Respýblıkasynyń sport sheberi» ataǵy, tóreshilerge – «Qazaqstan Respýblıkasynyń Ulttyq sport tóreshisi», «joǵary sanatty ulttyq sport tóreshisi» beriledi, - dep túsindirdi QR QM SK-AOSK tóraǵasynyń mindetin ýaqytsha atqarýshy, jarystyń bas tóreshisi podpolkovnık Erkebulan Túsiphanov.
Ofıserlik jáne áskerı úshsaıys TMD-ǵa qatysýshy memleketter armııalary spartakıadasynyń baǵdarlamasyna jáne Dúnıejúzilik áskerı sporttyq oıyndarǵa (CISM) engizildi. Saıysta qazaqstandyq áskerı qyzmetshiler turaqty túrde júldeli oryndarǵa ıe bolady.
