Elorda • 27 Qyrkúıek, 2020

Nur-Sultanda túngi klýbta kóńil kótergender ustaldy

17 ret kórsetildi

Oıyn-saýyq mekemesinde aıyppul salyndy, dep habarlaıdy Egemen.kz ákimdiktiń resmı saıtyna silteme jasap.

Tártip saqshylary «Aýra» túngi klýbynan túnde tynyshtyqty buzyp, kalıan tutynǵan 65 adamdy polısııaǵa jetkizdi. Karantındi buzǵany úshin oıyn-saýyq mekemesiniń ıeleri aıyppul tóleıdi.

«26 qyrkúıek kúni saǵat 01: 33-te «102» pýltine belgisiz adamdardan birneshe ret telefon habarlamalary kelip tústi. Olar Nur-Sultan qalasy, Turan kóshesi, 2 t.j., «Aýra» túngi klýbynda jastar shý shyǵaryp, tynyshtyqty buzǵanyna shaǵymdandy. Bul faktini tekserýge 10 ýchaskelik polısııa ınspektory, 25 jedel áreket etý jasaǵy, 8 «Ushqyn» ekıpajy - 16 ınspektor, Esil aýdanynyń polısııa basqarmasynyń jedel tergeý toby qatysty. Tekserý kezinde jedel tergeý toby bul buzýshylyqty foto jáne vıdeo jazba arqyly tirkedi. Túnde tynyshtyqty, sondaı-aq karantın rejımin buzǵany úshin 65 azamat polısııaǵa jetkizildi», - dep habarlady Esil aýdandyq polısııa basqarmasy.

Tártip buzýshylarǵa qatysty 65 ákimshilik hattama jasaldy, onyń 63-i túngi ýaqytta tynyshtyqty buzǵany, ekeýi kalıan shekkeni úshin. Sondaı-aq «Ushqyn» ekıpajdary mas kúıinde kólik júrgizýdiń tórt faktisin jáne avtokólikti qujatsyz júrgizýdiń bir faktisin anyqtady.

«Aýra» túngi klýbynyń ákimshiligine halyqtyń sanıtarlyq-epıdemıologııalyq salaýattylyǵy salasyndaǵy zańnamanyń talaptaryn, sondaı-aq gıgıenalyq normatıvterdi buzǵany úshin aıyp taǵyldy.

«Aýra» túngi klýbyna, JK «Alanııa» dırektory Ýsmanova Dınara Erbolatqyzyna qatysty jınalǵan materıaldy zańdy prosedýralyq sheshim qabyldaý úshin Nur-Sultan qalasy Esil aýdanynyń taýarlar men qyzmetterdiń sapasyn men qaýipsizdigin baqylaý basqarmasyna jiberý josparlanyp otyr», - delingen habarlamada.

Aıta ketý kerek, buǵan deıin túngi klýbtyń ıesine karantın rejımin buzǵany úshin alty ret aıyppul salynǵan bolatyn.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar