Saıasat • 27 Qyrkúıek, 2020

QR SIM basshysy Ońtústik-Ońtústik yntymaqtastyq boıynsha BUU otyrysynda sóz sóıledi

16 ret kórsetildi

Qazaqstannyń Syrtqy ister mınıstri Muhtar Tileýberdi BUU Bas Assambleıasynyń 75-shi sessııasy aıasynda kedeılikti azaıtý jáne Ońtústik-Ońtústik yntymaqtastyǵy boıynsha BUU joǵary deńgeıdegi otyrysyna beınekonferensııa rejıminde qatysty. Is-sharaǵa BUU múshe-memleketer syrtqy saıası vedomstvolarynyń basshylary jáne BUU Bas hatshysynyń orynbasarlary qatysty, dep habarlaıdy Egemen.kz.

Sóz sóıleý barysynda qatysýshylar pandemııanyń jaǵymsyz saldarynyń biri retinde kedeılik sheginen tómen ómir súretin adamdar sanynyń edáýir kóbeıýin atap ótti. Bul «Ońtústik» elderiniń 2030 jylǵa deıingi turaqtyń damýdyń jahandyq kún tártibiniń maqsattaryna jetý jolyndaǵy sońǵy jyldary qol jetkizgen jetistikterin joıý múmkin.

Osyǵan baılanysty Mınıstr M.Tileýberdi Prezıdent Qasym-Jomart Toqaevtyń 2020 jylǵy mamyrda BUU-nyń damýdy qarjylandyrý jónindegi forýmynda jarııalaǵan densaýlyq saqtaý salasyna ınvestısııalardy ulǵaıtý jáne aımaqtyq damý jobalaryn iske asyrýdyń ornyna qaryz aýyrtpalyǵyn azaıtý sııaqty ınnovasııalyq usynystaryna nazar aýdardy.

Qazaqstan Ońtústik-Ońtústik formatyndaǵy yntymaqtastyqty damytý boıynsha jahandyq kúsh-jigerdi tolyqtaı qoldaıdy. Sońǵy 20 jyl ishinde elimiz negizinen Ortalyq Azııa men Aýǵanstannyń ekonomıkalyq áleýetin nyǵaıtýǵa baǵyttalǵan 500 mln. AQSh dollardan astam somaǵa damýǵa resmı kómek pen gýmanıtarlyq kómek kórsetti. Bul jumysty júıelendirý úshin KazAID arnaıy ulttyq agenttigin qurý boınysha jumys júrgizilýde.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar