Rýhanııat • 27 Qyrkúıek, 2020

Aqtoty Raıymqulova Búkilálemdik týrızm kúnimen quttyqtady

17 ret kórsetildi

Mádenıet jáne sport mınıstri Aqtoty Raıymqulova Facebook paraqshasynda týrızm salasyna úles qosyp júrgen azamattardy Búkilálemdik týrızm kúnimen quttyqtady, dep habarlaıdy Egemen.kz.

"Qurmetti týrıstik sala qyzmetkerleri! Sizderdi jáne osy salanyń damýyna óz úlesin qosqan barlyq azamatty jarty ǵasyrdan astam ýaqyt boıy atalyp kele jatqan Búkilálemdik týrızm kúnimen quttyqtaımyn", dep jazdy mınıstr.

Onyń aıtýynsha, sońǵy jyldary elimizde týrısterdiń kelýine qolaıly bolýy úshin barlyq qajetti jaǵdaı jasalýda. "Infraqurylym damyp, normatıvtik-quqyqtyq baza men kadrlyq áleýet jetildirilýde, memlekettik qoldaý sharalary engizilip, jańa obektiler salynýda, sondaı-aq, qyzmet kórsetýdiń jańa tásilderi engizilýde. Týrızm elimizdiń keń baıtaq jerin aralaýǵa jáne tarıhı-mádenı nysandarmen tanysýǵa qyzyǵýshylyǵy artyp kele jatqan adamdar ómiriniń ajyramas bóligi bolyp tabylady", dedi ol.

Raıymqulova pandemııanyń týrızm salasyna áserin de aıtyp ótti.

"Pandemııanyń búkil saıahat ındýstrııasyna úlken ózgerister engizgeni sózsiz, biraq biz, osyǵan qaramastan, karantındik shekteýlerdiń áserin jeńildetetin birqatar sharany birge ázirlep, engizdik. Bul rette týrıstik qoǵamdastyqtyń atalǵan prosesterdiń barlyǵyna belsendi qatysqanyn erekshe atap ótkim keledi. Osy jyldyń barsha qıyndyqtaryna qaramastan, sizder batyldyq saqtap, salamyzdyń odan ári jumys isteýin jalǵastyrýy úshin kúsh salyp kelesizder", dedi mınıstr.

Mınıstr ishki týrızmniń damýyna qandaı jaǵdaılar jasalyp jatqanyn aıtty.

"Búginde jaǵdaı birte-birte turaqtanýda jáne Qazaqstan salany qalpyna keltirý úshin, sondaı-aq odan ári damytý jónindegi qosymsha sharalar qabyldaý úshin qajetti resýrstarǵa ıe. Nátıjesinde, zańnamalyq deńgeıde kásipkerdiń ınvestısııalyq shyǵyndarynyń bir bóligin óteý, salyqtyq jáne kedendik artyqshylyqtar berý, kelý týrızmi salasyndaǵy týroperatorlardy sýbsıdııalaý, 15 jasqa deıingi balalar úshin el ishinde týrıstik maqsattarda tegin ushýdy usyný syndy jáne ózge de sharalar engizilýde. Osy sharalardyń barlyǵy bizdiń ishki jáne kelý týrızmin damytý salasyndaǵy ustanymdarymyzdy kúsheıtýge múmkindik beredi", dep qosty Raıymqulova.

Ol osy salada tynbaı eńbek etip júrgen jandarǵa jańa týrıstik ónimder men senimdi seriktestik tiledi.

"Qymbatty dostar, sizderge shydamdylyqtaryńyz ben salany damytýǵa degen nyq senimderińiz úshin shyn júrekten alǵys aıtamyn. Barshańyzǵa zor densaýlyq, oıdaǵy josparlaryńyzdyń tabysty júzege asýyn, senimdi seriktester men jańa týrıstik ónimder tileımin!", dedi ol.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar