Aımaqtar • 27 Qyrkúıek, 2020

Atyraýda jazataıym oqıǵadan 5 jumysshy kóz jumdy

1383 ret kórsetildi

Eńbek zańdylyǵyn buzý tıylar emes. Muny jyl basynan beri azamattardyń Atyraý oblystyq memlekettik eńbek ınspeksııasy basqarmasyna 762 shaǵym túsirýinen baıqaýǵa bolady, dep habarlaıdy Egemen.kz.

Basqarma mamandary 726 shaǵymdy tekserip, 313 azamattyń eńbek quqyǵyn qorǵady.

"Eńbek ınspektorlarynyń jumys berýshilermen yntymaqtasa áreket etýiniń nátıjesinde 27 jumysshynyń 3,2 mln teńge jalaqysy óndirilip, jumyskerlermen eńbek sharttary jasaqtaldy. Al, shaǵymdar negizinde, sondaı-aq, josparly túrde 80 tekserý júrgizildi. Sonyń nátıjesinde eńbek zańnamasyn buzýdyń 135 deregi anyqtaldy. Atalǵan zańsyzdyqtardy joıý úshin 67 uıǵarym engizilip, 39 ákimshilik hattama toltyryldy. Zań talabyn buzýshylarǵa 14,2 mln teńge aıyppul salyndy. Aıyppuldyń 4,9 mln teńge óndirildi", dedi oblystyq memlekettik eńbek ınspeksııasy basqarmasynyń basshysy Igilik Áýbákirov.

Onyń málim etýinshe, óndiriste jumysty durys uıymdastyrýǵa mán berilmeıdi. Tipti jaramsyz kólikter men qondyrǵylar paıdalanylyp, qaýipsizdik erejeleri saqtalmaıdy. Munyń bári jazataıym oqıǵalardyń oryn alýyna sebep otyr.

"Jyl basynan beri osyndaı jaǵdaılardyń saldarynan 5 jumysshy qaza boldy. Al, 7 jumysshy aýyr dene jaraqatyn aldy. Osy derekke qatysty arnaıy tergeý qujattary quqyq qorǵaý organdaryna joldandy. Demalys kúnderi istelgen jumys úshin eńbekaqyny tólemeıtin birneshe mekeme anyqtaldy", dedi Igilik Áýbákirov.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar