Bul týraly SQO PD Ákimshilik polısııasynyń azamattyq jáne qyzmettik qarý aınalysyn baqylaıtyn tobynyń aǵa ınspektory, Polısııa maıory Qurman Mýsın habarlady. Úsh kúndik shara ótkizýge barlyǵy 800 polısııa qyzmetkeri tartylǵan. Olar barlyq tekserilgen 2215 adamnyń ishinen 79 adamdy jaýapkershilikke tartqan. Sonyń ishinde 48 qarýdy talapqa saı ustamaǵany úshin jáne 31 qaıta tirkeý merzimin ótkizip alǵany úshin jaýapqa tartqan. Sonymen qatar, joǵaryda aıtqanymyzdaı, 72 qarýdy tárkilegen.
Shal aqyn aýdandyq polısııa qyzmetkerleri osy aýdannyń Krıvoshekovo selasynda turatyn bir turǵynynan zańsyz saqtalǵan myltyq aldy. Azamat ony taýyp aldym degenimen 200 AEK kóleminde aıyppul salynatyn hattama toltyryldy jáne qarý tárkilendi.
Ákimshilik polısııasynyń azamattyq jáne qyzmettik qarý aınalysyn baqylaıtyn tobynyń qyzmetkerleri azamattardy qarý taýyp alǵan bolsa «102» telefonyna habarlasý kerektigin eskertti. Tipti taýyp almaı, ólgen týysqandarynan qalǵan tirkelmegen qarý bolsa da polısııaǵa habarlasý kerek. Qarýdy óz erkimen tapsyrý adamdardy ákimshilik jaýapkershilikten qutqarady.
Soltústik Qazaqstan oblysy
