Parlament • 28 Qyrkúıek, 2020

Kásipkerlikke kedergilerdi joıýdy surady

5 ret kórsetildi

Senattyń Ekonomıkalyq saıasat, ınnovasııalyq damý jáne kásipkerlik komıtetiniń depýtattary Qaraǵandy oblysyndaǵy kásipkerlerimen kezdesti. Kásiporyn ıeleri depýtattarmen kezdesýde taýarlarǵa ilespe qujattar men basqa da kóptegen qaǵazdarǵa baılanysty shaǵyn bıznes qosymsha shyǵyndarǵa ushyrap kele jatqanyn habardar etti.

«Qazir jańa salyq zańna­masy ázir­lenip jatyr jáne biz bıznesmenderdiń ózi­nen ol zań­dardy adamdardyń bárine ne­ǵurlym yńǵaıly etip qalaı jasaý kerektigi týraly pikir su­raı­myz», dedi senator Edil Ma­myt­bekov.

Kásipkerlerdiń aıtýynsha, norma­tıv­­tik-quqyqtyq aktilerge sáıkes shaǵyn ǵımarat salý barysynda kásip­ker­ge mem­lekettik sáýlet-qurylys basqarmasynan habarlama alýǵa 1-1,5 mıllıon teńge jum­saý kerek. Al ol obek­tiniń qurylysy da sol anyq­tama sııaqty somaǵa túsedi. Kásip­kerler senatorlardan jaǵ­daı­dy anyqtap, eldegi shaǵyn já­ne orta bıznestiń damýyna ke­der­gi keltiretin kedergilerdi zańna­malyq túrde joıýdy suraıdy.

Senat depýtaty Dáýren Ádil­bekov óz kezeginde Memleket basshysynyń Qa­zaq­stan halqyna Joldaýynda kásipkerlikti qoldaý boıynsha birqatar sharalardy atap ótkenin eske saldy. 2025 jylǵa qaraı eldiń IJО́-degi shaǵyn jáne orta bıznestiń úlesi 35%-ǵa jetýi tıis.

«Qazir ónerkásip saıasaty týraly zań ázirlenip jatyr. Búgingi tańda Qaraǵandy oblysy – óńdeý ónerkásibiniń úlken kólemi shoǵyrlanǵan eń damyǵan óńirlerdiń biri. Tek 9 aıdyń ishinde oblysqa 400 mlrd teń­geden astam ınvestısııa salyndy. О́ndiris kólemi 1,8 trln teńgeden asty. Bul óte jaq­sy kórsetkish», dedi senator Súıindik Aldashev.

Senatorlar sonymen qatar aımaqtaǵy birqatar iri ónerkásip oryndaryn aralady. Patron zaýytynda parlamentshilerge birinshi kezekte bıylǵy jyly iske qosyl­ǵan tapanshalarǵa arnalǵan oq óndirisi kór­se­tildi. Kásiporynda jyl sońyna qaraı ekinshi kezek – «Avtomatty jelini» iske qosý josparlanýda. Bul óndiriske 28 mıllıardtan astam teńge ınvestısııalandy.

Depýtattar Qazaqstandaǵy eski avto­mo­bılderdi kádege ja­ra­tý jónindegi al­ǵashqy zaýytta jáne armatýra men ózge de qurylys materıaldary óndirisinde de boldy. Ferro­qo­ryt­pa zaýytynda elordalyq dele­ga­sııaǵa óndiristegi jańalyq­tar kórsetildi. Qazirgi zamanǵy tehnologııalar Eýropa, Ońtústik-Shyǵys Azııa, Soltústik jáne Ońtústik Ame­rı­ka naryqtarynda úl­ken sura­nysqa ıe ferrosılısıı men ferro­mar­ganesti shyǵarýǵa múmkin­dik beredi. Zaýyt 1 300-den as­tam adamdy jumyspen qamtyp otyr.

Ekonomıkalyq saıasat, ınno­va­sııalyq damý jáne kásipkerlik komıtetiniń tóraǵasy Dáýren Ádil­bekov óńirdegi kásip­oryn­dardyń basshylaryna aıtylǵan barlyq máseleler muqııat qara­lyp, zerdelenetinin aıtty.

«Senat depýtattary barlyq syndarly usynystardy, onyń ishinde Qazaqstandaǵy shaǵyn jáne orta bıznesti damytý men qoldaý salasyndaǵy memlekettik saıasatty jetildirý jáne qu­qyq­tyq retteý máseleleri boıynsha parlamenttik tyńdaýlarda qaraıtyn bolady jáne qajet bolǵan jaǵdaıda zańnamaǵa ózgerister engi­ziledi», dedi Dáýren Ádilbekov.

Kóshpeli otyrys qory­tyn­dysy boıynsha Ekonomıkalyq saıasat, ınnovasııalyq damý jáne kásipkerlik komıtetiniń depýtattary shaǵyn jáne orta kásipkerlik sýbektilerin qoldaý jáne damytý úshin el Úkimetine usynystar ázirleýge nıettenip otyr, dep habarlady Senattyń baspasóz qyzmeti.

Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar