Saıasat • 28 Qyrkúıek, 2020

Alańdaýshylyq bildirdi

7 ret kórsetildi

Elimizdiń Syrtqy ister mınıstrligi armıan-ázerbaıjan qaqtyǵysynyń ýshyǵýyna baılanysty málimdeme jasady.

«Qazaqstan Respýblıkasy 2020 jylǵy 27 qyrkúıekte Taýly Qarabaqta oryn alǵan armıan-ázerbaıjan qaqtyǵysynyń ýshyǵýyna asa alańdaýshylyǵyn bildiredi.

Bizge dostas Ázerbaıjan Respýblıkasy men Armenııa Respýblıkasyn jaǵdaıdy tu­raq­tandyrý úshin barlyq sharalardy qabyldaýǵa, kúsh quraldaryn paıdalanýdan bas tartýǵa jáne máseleni kelissózder arqyly sheshýge sha­qyramyz. Halyqaralyq uıymdardyń alańdarynda janjaldy sheshýdiń beıbit joldaryn izdeýge kómektesýge daıynbyz. AО́SShK qazirgi tóraǵasy retinde keńestiń senim sharalary paketin paıdalanýdy usynamyz», delingen mınıstrliktiń málimdemesinde.

Eske sala keteıik, ótken jeksenbide Ázer­baı­jan men Ar­menııa áskerıleri qaqtyǵysyp qaldy. Trend.az agenttiginiń habarlaýynsha, ázer­baıjandyq sarbazdar Armenııa tarapy basyp alǵan birqatar eldi meken men mańyzdy nysandy azat etken.

Ázerbaıjannyń qorǵanys mınıstrligi Armenııanyń áýe kúshteri Qarabaqpen she­ka­radaǵy eldi mekenderdi atqylaǵanyn ha­bar­­­lady. Osy málimetterge sáıkes, beıbit tur­­ǵyn­dar arasynda qaza tapqandar bar. Ar­me­­nııanyń qorǵanys mınıstrliginiń málim­­deýinshe, Qarabaqqa áýeden shabýyl jasal­­ǵan.

Armenııa Ázerbaıjannyń eki tikushaǵy men úsh ushaǵyn joıǵanyn habarlady. Al Ázerbaıjannyń áskerıleri 12 armıan zenıt keshenin joıǵanyn málimdedi. Osy oqıǵaǵa baılanysty Taýly Qarabaq ombýdsmeni taraptardy sabyr saqtap, saq bolýǵa shaqyrdy.

 

 

Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar