Juma kúni 12 myń turǵynnyń koronavırýs juqtyrǵany anyqtalǵan. Al elde tirkelgen naýqastardyń jalpy sany 700 myńnan asty. Bul – Batys Eýropadaǵy eń joǵary kórsetkish. Osylaısha Madrıd birinshi tolqyn kezindegideı Ispanııadaǵy indettiń oshaǵyna qaıta aınalyp barady. Bir qyzyǵy, elde densaýlyq saqtaý mınıstrliginiń quzyreti aımaqtarǵa júrmeıdi. Sol sebepti ortalyq organ aımaq basshylaryna eskertý jasaýdan asa almaı, shara qoldanýǵa qoly baılaýly.
Jalpy, aımaqta keıbir qaýipsizdik sharalary jasalǵanymen, óńirdi jartylaı jabý týraly usynystan bas tartqan. Densaýlyq saqtaý mınıstri Salvador Ilıa qazirgi sharalardyń esh nátıje bermeıtinin alǵa tartyp, batyl qadamdar jasaıtyn kez kelgenin eske saldy. О́ıtkeni densaýlyq saqtaý ókili turǵyndardyń densaýlyǵy men indettiń kórshiles óńirlerge tarap ketýine alańdaıdy.
Jalpy, qys jaqyndaǵan saıyn Ispanııa sekildi ǵalamshardyń soltústik bóliginde ornalasqan ózge de elderde indettiń qaıta bas kótergeni baıqalady. Sońǵy aptalarda tirkelgen naýqastar sany ekinshi tolqynnyń kelgenin baıqatty. Dúnıejúzilik densaýlyq saqtaý uıymy da kún salqyndaǵanǵa deıin Eýropa men ózge elderge qaýipsizdik sharalaryn qaıta kúsheıtýge keńes berdi.
