Aımaqtar • 28 Qyrkúıek, 2020

Juqpaly indetpen kúres Jetisýda qalaı júrýde?

20 ret kórsetildi

Juqpaly indettiń taralýy Jetisý jerinde de órship tur. Qazirge deıin oblysta koronavırýs ınfeksııasyn juqtyrǵandar sany 700 adamnan asty.

Oblystyq densaýlyq saqtaý bas­qarmasynyń málimetinshe, aı­maq­taǵy indetpen kúres jumysy qa­­lypty júrip jatyr. Qazir bar­­lyq emhana men aýrýhana ne­gizgi qyzmetin atqarýda. О́ńir­degi «Jedel járdem» stansasy da qalyp­ty rejimde jumys istep tur.

– Búginge deıin oblysta tur­ǵynd­ar tarapynan shaǵym­daný­shylar kóp bolǵanymen, aýrýhana­lar­da oryn tapshylyǵy sezile qoı­ǵan joq. Adamdardyń óz den­saý­lyǵyna alańdaýy oryndy. Son­dyqtan kez kelgen suraq boıynsha emdeýshi dáriger men «Jedel járdem» qyzmetine habar­lasý­shylardyń sany artqany anyq. Mundaı jaǵdaıdyń Taldyqorǵan qalasy boıynsha kóbeıgeni baı­qaldy. Biraq dárigerler ár sha­ǵym boıynsha jumys istep jatyr. «Jedel járdem» qyzmeti asa aýyr jaǵdaıdaǵy naýqastarǵa bi­­rin­shi kezekte kómek kórsetýde. Qala aýrýhanalarynda oryn sany jet­kilikti. Naýqastyń sıpatyna qaraı aýrýhanalarǵa bólip orna­lastyrý qolǵa alynǵan, – dedi oblystyq densaýlyq saqtaý bas­qar­masynyń baspasóz hatshysy Láılim Áýbákirova.

Alaıda, oblys ortalyǵyn­daǵy jaǵdaı baqylýda bolǵany­men,

2 mln turǵyny bar oblys­taǵy ah­­ýal­dy tolyq oń baǵalaýǵa kel­­­meıdi. Ásirese aýyldyq óńir tur­­ǵyndary tarapynan medısı­­na mekemelerine kómek surap kelý­shiler sany artty. Mundaı jaǵdaı Almaty qa­lasy mańyndaǵy aýdandarda baı­qalyp otyr. Mysaly, Ile, Talǵar, Eńbekshiqazaq, Qarasaı aýdan­daryna qarasty aýyldardyń tur­ǵyndary maman dárigerlerdiń tap­­shy­lyǵy men «Jedel jár­dem» stan­sasynyń jumysyna kóńili tol­maıtynyn aıtyp, shaǵym­daný­da. Jekelegen aýdandarda «Jedel járdem» qyzmetiniń bir brıgadasy 10 myń turǵynǵa qyzmet kórsetýge májbúr bolyp otyr. Sondaı-aq oblystyń densaýlyq saqtaý salasynda kadr tapshylyǵy qat­ty seziledi. Buǵan deıin oblys áki­miniń esebinde aımaqta 214 ma­man­ǵa suranys bar ekeni másele retinde kóterilgen edi.

Soǵan qaramastan dárigerler dertpen kúreste barlyq múmkin­dikti paıdalanýda. Olardyń qata­rynda Qapshaǵaı qalasynyń aq je­leńdi abzal jandary da bar. Derek boıynsha, qazirge deıin Qap­shaǵaı qalasynda 170 adam «vı­rýs­tyq pnevmonııa» dıagnozy­men aýrýhanaǵa jatqyzylǵan. Qala­daǵy aýrýhananyń terapııa jáne balalar aýrýlary bólim­she­leri qaıta jabdyqtalyp, pro­vı­zor­lyq bólimge aınalyp, oryn sany 180 tósekke deıin kóbeı­gen. Bar­lyq palatada ottegi tasy­mal­daı­­­tyn ballon ornatylǵan. Qala bo­ıyn­sha 7 «Jedel járdem» kóligi tu­raqty júrip tur eken. Pan­­fılov aýdanynda da indetke qar­sy ju­mystar algorıtm boıynsha júr­gizilýde. Eldi mekenderde táýlik boıy kezek­shilik uıym­dastyrylǵan.

– Aýdan boıynsha 3 jedel top qurylǵan. Olardyń negizgi jumysy kúndelikti monıtorıng jasaý. Aýyr jaǵdaıdaǵy naýqas­tardy qarap, algorıtm boıyn­sha qandaı tekserýler jasaý qajet­tigin jáne emdelý baǵyt­taryn aı­qyndaıdy. Aýdanda 30 oryn­dyq gospıtal, 20 oryndyq provızor­lyq bólim jumys isteıdi. Ákim­shilik medısına qyzmetkerlerine qoldaý kórsetip otyr. Jumys­qa shyqqan qyzmetkerlerdiń bar­lyǵy qonaqúıge ornalastyryldy. Olardy tasymaldaýǵa ar­naıy kólik bekitilip, kúndelikti medısına kolledjiniń 12 stýdenti volonterlik kómek kórsetýde. Iаǵnı eriktiler naýqastarǵa úıine tegin alatyn dárilerin jetkizip berý, basqa da qyzmetterge kómek­tesetin bolady, – deıdi Panfılov aýdany ákiminiń baspasóz hatshysy Nurbol Qanaǵat.

 

Almaty oblysy

 

Sońǵy jańalyqtar

Koronavırýstan qalaı qorǵanamyz?

Koronavırýs • Búgin, 21:33

Taraz qalasynda nan qymbattaǵan

Aımaqtar • Búgin, 19:15

Dollardyń erteńgi baǵamy qandaı bolmaq?

Ekonomıka • Búgin, 18:25

Almatydaǵy avtoservıs otqa orandy

Aımaqtar • Búgin, 15:33

Joǵalǵan bala 12 saǵatta tabyldy

Aımaqtar • Búgin, 14:38

Karantınniń kezinde kókpar tartqan

Aımaqtar • Búgin, 12:30

Bos jatqan 665 myń gektar jer anyqtaldy

Aımaqtar • Búgin, 12:10

Dollardyń baǵasy kún sanap ósip keledi

Ekonomıka • Búgin, 11:30

Uqsas jańalyqtar