Ekonomıka • 28 Qyrkúıek, 2020

«QazTrade Accelerator»: Eksporttyń jańa múmkindikteri

11 ret kórsetildi

Memleket basshysy shıkizattyq emes eksporttyń damýyn qoldaý máselesine erekshe nazar aýdarady. Qasym-Jomart Toqaev halyqqa Joldaýynda ıdeıadan nátıjege deıin maqsatty qoldaý kórsetý úshin óndirýshi kásiporyndarǵa arnalǵan Eksporttyq akselerasııa baǵdarlamasyn iske asyrýǵa tapsyrma berdi.

 

О́tken aptada Saýda jáne ıntegrasııa mınıstrliginiń «QazTrade Accelerator» Eks­port­tyq akselerasııa baǵdar­lamasy aıasynda «Qytaıdaǵy negizgi satý arnalary» atty ekinshi oqytý vebınary ót­ti. Vebınarǵa qytaılyq serik­tes­termen jumys isteý tájirı­besi bar halyqaralyq sarapshy­lar qatysty.

«Shilde aıynyń sońynan bastap biz Akselerasııa baǵ­dar­lamasymen belsendi ju­mys isteı bastadyq. Eki apta­lyq jeke kezdesýler aıasyn­­­da Qytaı naryǵyna eks­port­taý­­shylardyń problema­­la­ry, qatysýshylardyń ár­qaı­­sy­synyń básekelik ar­tyq­­­shy­lyqtary anyq­­tal­­dy. Eks­port­ty jedel­de­tý­­diń ekinshi kezeńi bastaldy, bul kásiporyndar­dy Qytaı­lyq seriktestermen kelisim­shart­tarǵa qol qoıýǵa daıyndaý­dy kózdeıdi», dedi «QazTrade» «Saýda saıasatyn damytý orta­­lyǵynyń» bas dırektory Arman Ábenov.

Ekinshi oqytý vebınarynda baǵdarlama qatysýshylary Qytaıdaǵy negizgi satý arnalary boıynsha praktıkalyq usynystar aldy. Sondaı-aq osy arnalarǵa kirý týraly kelissózder júrgizýdiń qyr-syryn bildi. Sonymen qatar eksporttaýshylar júgine alatyn qarjylyq memlekettik qoldaý sharalarynyń jıyn­tyǵymen tanysty.

PwC China aǵa menedjeri Chennı Feng Qytaı naryǵyn­da taýarlardy ilgeriletýdiń  negizgi joldary týraly áń­gimeledi. Atap aıtqanda, ol  elektrondyq kommersııa naryǵyna óz betimen shyǵý týraly sholý jasap, iskerlik se­riktes nemese dıstrıbıýtor­lar men iri kórmelerde serik­tester tabý boıynsha táji­rıbelik usynystarmen bólis­ti. Sonymen qatar spıker qy­taı­lyq seriktesterdiń negiz­gi máselelerine – ónimniń quny men úlgilerdi alý múm­kindigine nazar aýdardy.

Eurasia Development Ltd. kompanııasynyń bas dırektory Andreı Prohorovıch Qytaı naryǵyna shyǵý týraly usynystar berip, satý arnalaryn tańdaýdaǵy negizgi qatelikterge toqtaldy. Spıker Qytaıdyń birtutas naryq emes ekendigine nazar aýdardy jáne qatysýshylarǵa Qytaıdyń ár aımaǵyn ózindik erekshelik­teri bar bólek naryq retinde qaras­tyrýǵa keńes berdi.

Chennı Feng pen Andreı Prohorovıch atap ótken­deı, búginde Qytaı álemdegi elektrondyq saýda alań­dary­­­nyń sany boıynsha kósh­­­basshy bolyp sanalady. Internet-satylym Qytaı­daǵy tutyný taýarlarynyń ból­shek sa­tylymynyń jalpy kó­le­miniń shamamen 30%-yn quraıdy. Osyǵan baı­lanysty sarapshylar eks­port­taýshylarǵa Qytaı naryǵynda onlaın satý qural­daryn zertteýge erekshe nazar aýdarýdy usyndy.

KazakhExport Eksport­tyq saqtandyrý kompanııasy Saqtandyrý departamenti­niń dırektory Qýanysh Muqa­janov óz prezentasııasynda shıkizattyq emes taýarlardy óndirýshilerdi jáne eksporttyq sıkldiń barlyq kezeńinde syrtqy naryqta qyzmet kórsetýshilerdi qol­daýdyń qarjylyq qural­­dary týraly aıtty. KazakhExport Qytaıdaǵy serik­tester­­men jumys isteý úshin ártúr­li qu­ral­dardy paı­da­lana­dy (avanstyq tólem­der, keli­sim­shart boıynsha tólem­der, eks­portqa deıingi qar­jy­­­­lan­­­dyrý, eksporttaý­shy­lar­­­dyń nesıelerin saqtan­dyrý). Bul quraldar syrtqy na­­­ryqqa shyǵý kezinde qazaq­stan­­dyq eksporttaýshy­lar­dy je­ńil­detilgen qarjy­lan­dyrýǵa kómektesedi.

Bıyl kúrdeli epıdemııalyq jaǵdaıǵa baılanysty Qazaq­stannyń halyqara­lyq kór­melerge qatyspaı, onlaın for­matqa kóshýine týra keldi. Qazaqstannyń Saýda jáne ın­tegrasııa mınıstrligi Shan­haıdaǵy (5-10 qarasha) III Im­porttyq taýarlar men qyz­met­terdiń qytaılyq halyq­aralyq kórmesine onlaın for­matta qatysýǵa sheshim qabyl­dady. Vırtýaldy kórme aıasynda qazaqstandyq azyq-túlik ón­dirýshileriniń ónimderi Shan­haıǵa Qazaqstannyń Syrt­qy saýda palatasynyń qol­daýy­men jiberiledi. Qaty­sý­shy kom­panııalardyń ókilderi óz­deriniń eksponattaryn onlaın formatta tanystyrady.

Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar