Fýtbol • 28 Qyrkúıek, 2020

«Qaırat» qara úzip keledi

18 ret kórsetildi

Koronavırýs pandemııasyna baılanysty eki ret keıinge shegerilgen fýtboldan Qazaqstan chempıonatynyń 10-týr oıyndary óz máresine jetti. Bul týrda top basynda kele jatqan komandalar upaıdan shashaý shyǵarmaı, qarsylastarynan basym tústi.

 

Týrdyń shymyldyǵyn Qostanaıdyń «Tobyly» men Kókshetaýdyń «Oqjetpes» klýbtary ashyp berdi. Jyl basynda chempıondyqtan birden-bir úmitker koman­da sanalǵan «Tobyl» ázir­ge senimdi aqtaı almaý­da. Grıgorıı Babaıan shá­kirt­­teri jeńedi-aý degen matchta jeńilip, upaı jo­ǵaltady degen oıynda je­ńis­ke jetip júr. Iаǵnı ázir­she komandanyń oıyny turaqty dep aıta almaımyz. Máselen, aldyńǵy týrlarda el birinshiliginiń alty dúrkin chempıony «As­tanany» 2:0 esebimen jeń­se, keıin Shymkenttiń «Or­dabasy» klýbynan 4:0 esebimen tas-talqany shyǵyp jeńildi. Chempıonattyń q­a­zirshe aýtsaıder koman­dasy «Oqjetpespen» ótkiz­gen oınynda Jeremı Man­zorronyń 65-mınýtta soq­qan golynyń arqasynda áreń degende úsh upaıǵa qol jet­kizdi. Keıingi úsh matchta teń oınaǵan kókshetaýlyqtar bul týrda upaı ala almady. Dese de match teń oıynǵa laıyq dárejede ótkenin aıta ketken jón.

О́tken týrda «Oqjet­pespen» 2:2 nátıjesimen teń túsken Aqtaýdyń «Kaspııi» bul týrda «Taraz» klýbyna esh qarsylyq kórsete almady. «Taraz» sońǵy ret 15 naýryzda óz alańynda «Or­dabasy» klýbynan 3:2 esebimen basym túsken soń keshegi kúnge deıin jeńistiń ne ekenin bilmeı kele jatqan edi. Eki taımda bir-birden gol soqqan «Taraz» úsh upaı ıelenip, týrnır keste­sindegi jaǵdaıyn birshama jaqsartyp aldy. Bul taraz­dyqtardyń ekinshi jeńisi ekenin de aıta keteıik. Al jeńilisten kóz ashpaı kele jatqan aqtaýlyqtar týrnır kestesinde sońǵy orynda qalyp qoıdy.

Al osy týrdyń eń tar­tys­ty jáne eń kóp gol so­ǵylǵan oıyny «Shahter» men «Jetisý» arasynda ótti. Eki komandanyń da sta­­­tıstıkasy qyzyq. Má­selen, Qaraǵandy klýby bul matchqa deıin úsh ret teń tússe, jetisýlyqtar qa­­t­a­rynan úsh oıynda je­­­ńiske jetken-di. Son­dyqtan fýtbol mamandary bul matchta «Jetisý» esh qı­yndyqsyz jeńiske je­tedi dep boljaǵan. Alaı­da kezdesýdiń 70-mınýty­na deıin «Shahter» 2:0 ese­bimen alda keldi. Áne-mine degenshe uzaq kút­tirgen jeńisin toılaýǵa jaqyn turǵan kenshiler komandasy aınaldyrǵan 20 mınýt ishinde úsh gol ótkizip alyp, qolda turǵan úsh upaıynan aıyrylyp qaldy. «Jetisý» sapynan ekinshi taım basynda alań­ǵa shyqqan shabýylshy Aıbar Jaqsylyqov 70 jáne 83-mınýtta dýbl jasap, esepti teńestirdi. Arada bir mınýt ótkende Pedrý Eýjenıý tablodaǵy kórsetkishti 3:2-ge jetkizdi. Osylaısha «Jetisý» oıynda kambek jasap, tóre­shiniń sońǵy ysqyryǵy sha­lynǵansha oıyndaǵy jeńim­paz­dy anyq­taý múmkin emes ekenin taǵy bir márte dáleldedi.

1

Shymkenttiń «Ordaba­sy» klýby bul týrda Petropavldyń «Qyzyl­jar» komandasyn qabyl­dap, 1:0 esebimen jeńiske jetti. О́tken týrda «Qaı­sar» klýbymen teń tús­ken «Ordabasy» Joao Paýlo­nyń arqasynda bir upaı enshilegen bolatyn. Al ke­shegi matchta Joaonyń soq­qan jalǵyz golynyń ar­qa­synda úsh upaıǵa qol jet­kizdi. Chempıonattyń eń úzdik surmergenine aı­nalǵan brazılııalyq fýtbolshy osymen qatarynan je­tinshi oıynda gol soǵyp, «Or­dabasyny» týrnır kestesine joǵary oryndarǵa qaraı jetelep keledi. «Qyzyljar» keıingi úsh týr boıy qarsy­las­taryna upaı syılaýdan árige asa almaı júr. О́t­ken týrda «Qaırattan» 1:0 esebimen jeńilse, onyń aldynda «Tobyldan» 2:0 nátı­jesimen utyldy.

Chempıonatty táýir bas­taǵan «Astanany» restart­tan keıin ne qyrsyq shal­ǵany belgisiz, oıyny tegi júrmeı qoıdy. Chempıondar lıgasynyń birinshi irikteý kezeńinde Belarýstiń «Dı­namosynan» 6:3 esebi­men, Eýropa lıgasynda deńgeıi men qarjylyq jaǵdaıy boıynsha birneshe ese tómen «Býdýchnost» komandasynan 1:0 esebimen jeńilip, jankúıerlerin jerge qa­ratty. Ishki chempıonatta da jaǵdaıy asa máz emes. 10-týrda «Qaısarmen» kezdesken el chempıony sońǵy mınýttarda jeńisti julyp aldy. Oıynnyń 87-mınýtynda qorǵaýshy Jarko Tomashevıch gol soǵyp, komandasyna mańyzdy úsh upaı syılady.

Qarjylyq jaǵdaıǵa baı­lanysty bıylǵy Qazaq­stan chempıonatynan Pav­lodardyń «Ertis» klýby shyǵyp qalǵan soń birin­shilikke 11 komanda qatysyp jatqany belgili. Sondyqtan ár týr saıyn bir komandaǵa demalys beriledi. Bul jol­ǵy kezek Almatynyń «Qaı­rat» klýbyna jetken eken. Chempıonatty óte sátti bas­taǵan «Qaırat» qazirgi tańda qarsylastarynan qara úzip, týrnır kestesinde kósh bas­tap keledi.

10-týrdan keıin surmer­gender kóshin, joǵa­ryda aıt­qanymyzdaı, «Orda­ba­­synyń» shabýylshysy  Joao Paýlo bastap tur. 11 matchta («Ordabasy» ózge komandalarǵa qaraǵanda eki oıyn artyq ótkizgen) ol qar­sylas qaqpasyn 7 már­te dál kózdegen. Keıingi oryndarǵa Abat Aıym­be­tov pen Rýnar Mar Sıgýrons­son jaıǵasqan. Olardyń enshisinde bes goldan bar.

Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar