Aımaqtar • 28 Qyrkúıek, 2020

Zhasproject jumysty jalǵastyrýda

16 ret kórsetildi

«Armanda! Usyn! Iske asyr!» 4 jyldan beri qazaqstandyq jastardyń uranyna aınalǵan osy sózder jeke áleýmettik jobasyn iske asyrýǵa bel býǵan Jastar korpýsy damytý jobasynyń qatysýshylaryna dem berip keledi.

Osy jyldar ishinde 10 myńǵa jýyq jas Úılestirý agenttiginen grant utyp alyp, óz áleýmettik kásipterin ashty. Elimizdiń barlyq aımaǵynyń jastary 3 myńǵa jýyq áleýmettik joba jasap, mentorlardyń qoldaýyna ıe bolyp, jeke kásipkerliktiń qyr-syryn úırendi.

Bıyl Jastar korpýsyn damytý jobasy elimizdiń eń iri eki aımaǵy – Qaraǵandy jáne Almaty oblysynyń jastaryna taǵy da 310 grant bólip otyr. Ár aımaqqa 155 grant tıesili. Sonymen qatar jastar joba jasap qana qoımaı, aı saıyn 40-60 myń teńge kóleminde shákirtaqyǵa ıe bolady. Bul da qazirgi qıyn jaǵdaıda jastardyń saǵy synbas úshin jasalǵan kómek.

Zhasproject jobasynyń taǵy bir erek­she­ligi, jastar óz ónimderin aýyl tur­ǵyndaryna bes aı kólemde tegin taratady. Jobanyń Almaty oblysyndaǵy qa­tysýshysy Áıgerim Turaǵaldy Panfılov aýdanynyń Úlkenaǵash aýylynda dúnıege kelgen. Kishkentaıynan eti tiri ol mektepte qoǵamdyq jumystarǵa, baıqaýlarǵa qatysyp júldeli oryndardy ıelendi. Bala kezden qolónermen aınalysqandy jany súıetin. Almaty qalasynda orta mektepti támamdap, 9-synyptan keıin dızaıner mamandyǵyna túskisi kelgen. Alaıda ata-anasy ruqsat etpegendikten 11 synypty tolyq aıaqtap, Qazaq memlekettik Qyzdar pedagogıkalyq ýnıversıtetinde qazaq tili men ádebıeti mamandyǵy bo­ıynsha bilim alady. Stýdent kezinde ápkesi ekeýi eki jyl túrli toılardy bezen­di­rýmen aınalysty, gúlden banner jasap, meıramhanalardyń sánin keltirýdi úırendi.

2018 jyly Almaty oblysy Saryózek aýylynyń jigitine turmysqa shyqqan Áıgerim Nurbaqytqyzy úı sharýasyna qarap otyrmaı, 3 aılyq tigin kýrsyn támamdady. Kýrstan keıin óz otbasyna jáne týystaryna, dúnıege kelgen perzentine arnap túrli kıimder tige bas­tady.

– Osylaı tigin óneri men dızaınǵa ábden mashyqtanyp aldym. Bir kúni joldasym Zhasproject jobasy jaıly aıtty. Joldasym Dáýren Jumabek te 2017 jyly atalǵan jobadan grant jeńip alyp, aýdandaǵy múgedek jandarǵa járdem etti. Sodan keıin men de baǵymdy synap kórýge bel býdym, – deıdi Áıgerim.

Karantınge baılanysty úzilis jarııa­lan­ǵanmen Jastar korpýsyn damytý jobasy óz jumysyn ary qaraı jal­ǵastyryp, Áıgerim jobada jeńimpaz atandy. Pandemııaǵa baılanysty týyn­da­ǵan qıyn kezde Áıgerim óz ónerin halyqtyń ıgiligine paıdalanýda. Qazirgi tańda ol aýyl turǵyndary men mektep oqýshylaryna aı saıyn 100-den asa maska taratyp júr.

Bolashaqta Áıgerimniń óziniń derbes brendin qalyptastyryp, tiginshilik ónerin ári qaraı damytsam degen maqsaty bar. Zhasproject jobasy arqyly toppen birigip jumys isteýdi úırendi. Kásipkerliktiń qyr-syryn meńgerip, osy salada ózin jetildirýdi kózdeıdi.

 

Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar