Qazaqstan • 28 Qyrkúıek, 2020

Prezıdenttik kadr rezerviniń jeńimpazy "Adaldyq saǵatyn" ótkizdi

24 ret kórsetildi

Sybaılas jemqorlyqqa qarsy is-qımyl agenttigi jańa formattaǵy "Adaldyq saǵatyn" ótkizdi. Bul "Adaldyq saǵaty" qazaqstandyq jastar úshin jańa tulǵa, zamandas jáne tabysty jas kóshbasshy Renat Bekturovty tanytqanymen erekshelendi, dep habarlaıdy Egemen.kz

Renat Bekturov 1984 jyly 13 qazanda Almaty oblysynda dúnıege kelgen. Astana International Exchange Basqarma múshesi.Qarjylyq qyzmet kórsetý salasynda 10 jyldan asa jumys tájirıbesi bar. Ol TMD aımaǵyndaǵy sýkýk (ıslam baǵaly qaǵazdary) alǵashqy shyǵarylymy sııaqty boryshtyq kapıtal naryǵyndaǵy birqatar mańyzdy mámilelerge qatysqan.

Renat Lester ýnıversıtetin úzdik bitirip, bank isi jáne qarjy salasynda magıstr dárejesin ıelengen, sondaı-aq sertıfıkattalǵan qarjy analıtıgi dárejesine ıe (CFA Charter Holder).Prezıdenttik jastar kadr rezervinde birinshi orynǵa ıe boldy. R.Bekturov óz sózinde uly Abaıdyń taǵylymyn alǵa tartyp, "Parasat degen talap, eńbek, tereń oı, qanaǵat, rahym sııaqty adamı qasıetterdiń jıyntyǵy", dedi.

Sondaı-aq jastardy tabandy eńbek etýge, tulǵalyq damýǵa jáne patrıot bolýǵa shaqyrdy. Onyń pikirinshe, jetistiktiń qupııa tuzdyǵy – sáttilik, biraq negizgi quramdas bóligi – eńbek.Ol óziniń jeke ómiri men mansabynda jetistikke jetýge múmkindik bergen ádilettilik pen adaldyq sııaqty ómirlik qundylyqtarymen bólisti.

Beıne-dáris barysynda kórermender qandaı mektep muǵalimi ómirine áser etkenin, onyń oıynsha jastar úshin sáttiliktiń kepili ne ekenin jáne zııatkerlik ultty qandaı qasıetterdi anyqtaıtynyn bildi. Bárimizge belgili, "Adaldyq saǵaty" aksııasynyń negizgi maqsaty – óskeleń urpaqtyń boıynda sybaılas jemqorlyqqa qarsy mádenıetti qalyptastyrý jáne adaldyq, ádildik, ınabattylyq jáne senim sııaqty eń mańyzdy adamgershilik qundylyqtardy darytý.

 

Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar