Qalamgerdiń dúnıe esigin ashqan kúnine oraı, Taraz qalasyndaǵy "Astana" yqshamaýdanyndaǵy ózi turǵan 7-úıge eskertkish taqta ornatyldy. Atalǵan belginiń ornatylýyna Jambyl oblystyq mádenıet, arhıvter jáne qujattama basqarmasyna qarasty "Sherhan Murtaza atyndaǵy rýhanııat jáne tarıhtaný ortalyǵy uıytqy boldy.
Jıyndy oblys ákiminiń orynbasary Erjan Jylqybaev sóz sóılep ashty. Ol óz sózinde Sherhan Murtazanyń qazaq ádebıetinde ózindik oryny bar tulǵa ekenin, sondyqtan da onyń esimi ult qaıratkeri retinde halyqtyń júreginde máńgi saqtalatynyn, shyndyqtyń shyraqshysy atanǵan Sher-aǵanyń eskertkish-taqtanyń ashylýy urpaq úshin ulaǵatty is ekenin jetkizdi.
Budan keıin oblystyq ardagerler keńesiniń tóraǵasy Erkinbek Soltybaev, Taraz qalalyq máslıhatynyń hatshysy Batyrbek Qulekeev, jazýshynyń nemere inisi Álıjan Murtaza eskertkish-taqtanyń lentasyn saltanatty jaǵdaıda qıdy.
Sondaı-aq, osy jáne basqa da azamattar sóz sóılep, áıgili qalamger týraly óz oılarymen bólisti. Jazýshy ómirinen estelikter aıtty.
Aıta keteıik, jazýshy bul úıde 2009-2013 jyldary turǵan.
