Qoǵam • 28 Qyrkúıek, 2020

Aptanyń mańyzdy 10 jańalyǵy

232 ret kórsetildi

Bul toptamada elde jáne álemde bolǵan mańyzdy oqıǵalarǵa sholý jasaımyz. О́tken aptada elde jáne álemde birqatar oqıǵa boldy. Atap aıtsaq, Qazaqstan Prezıdenti BUU Bas Assambleıasy 75-sessııasynyń jalpysaıası debattarynda sóz sóıledi. Onda ol  BUU aıasynda Aýrýlar men bıologııalyq qaýipsizdikti baqylaý jónindegi óńirlik ortalyqtar jelisin qurý ıdeıasyn muqııat zertteýdi usyndy. Prezıdent osyndaı ortalyqtyń birin Qazaqstan aýmaǵyna ornalastyrýǵa daıyn ekenin jetkizdi.

Qus tumaýyna baılanysty birqatar óńirde karantın jarııalandy

SQO, Aqmola, Qostanaı, Pavlodar, Qaraǵandy oblystarynda ártúrli úı qustarynyń 14 315 basynyń ólimi tirkeldi. Atalǵan aımaqtarda ólgen qustardan patologııalyq materıaldar alynyp, Nur-sultan qalasyndaǵy "Veterınarııa boıynsha ulttyq referenttik ortalyqqa" joldandy. Elimizdiń 4 oblysynda qus tumaýy boıynsha fakt tirkeldi. Qus tumaýy anyqtalǵan aýmaqtarda karantın engizildi.

o

Shonjyda 1,171 mıllıard teńgege salynyp jatqan sport kesheni qulady

Shonjydaǵy ǵımarattyń qurylysy byltyr bastalǵan. О́ńirdegi mańdaıaldy sport nysany bolýy tıis ǵımarat jyldyń sońyna deıin iske qosylyp, paılanýǵa berilýi tıis edi. Oblystyq qurylys basqarmasynyń tapsyrysymen irgesi qalanǵan dene shynyqtyrý keshenin salýǵa 1 mlrd 171 mln teńge qarjy bólingen.

sh

Danelııa Tóleshova America's Got Talent fınalynda óner kórsetti

О́kinishke qaraı, qazaqstandyq jas ánshi Danelııa Tóleshova amerıkalyq America's Got Talent baıqaýynda jeńiske jete almady. Shoýdyń bıylǵy jeńimpazy Brendan Lık atty ónerpaz boldy. Los-Andjeleste ótken shoýdyń aqtyq synyna 10 ártis qatysty, olardyń altaýy ár túrli jastaǵy vokalıster. Baıqaý jeńimpazyna 1 mln dollar júlde tabystaldy.

g

Lýkashenko Belarýs prezıdenti qyzmetine kiristi

Mınsk qalasynyń Táýelsizdik saraıynda Aleksandr Lýkashenkonyń Belarýs Respýblıkasynyń prezıdenti qyzmetine resmı kirisý rásimi ótti. Saltanatty rásimge atalǵan eldiń joǵary laýazymdy tulǵalary, parlamentarııler, memlekettik organdar men jergilikti bılik organdarynyń jáne respýblıkalyq BAQ-tyń basshylary, sondaı-aq ǵylym, mádenıet jáne sport qaıratkerleri qatysty.
shg

Qazaqstan ólim jazasyn alyp tastady

Birikken Ulttar Uıymynyń shtab-páterinde Qazaqstannyń BUU janyndaǵy Turaqty ókili Qaırat Omarov ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktige ekinshi Fakýltatıvtik hattamaǵa qol qoıdy. Bul halyqaralyq qujatqa qol qoıý ólim jazasyn qoldaný aıasyn birtindep taryltý jáne qylmystyq zańnamany izgilendirý baǵytynyń jalǵasy bolyp otyr. Qazaqstan Respýblıkasynda ólim jazasyn qoldaný QR Prezıdentiniń 2003 jyly tıisti moratorıı engizý týraly Jarlyǵy tolyǵymen toqtatyldy.

o

Soltústik Qazaqstan jáne Shyǵys Qazaqstan oblystarynda kezekshi synyptarda oqıtyn oqýshylardan koronavırýs anyqtaldy

Soltústik Qazaqstanda 8 bilim oshaǵynda indet tirkeldi. Smırnov aýylyndaǵy orta mektepte, "Býlaev balabaqsha kesheninde", №44-shi orta mektepte, № 10-shy orta mektepte, "Best" gımnazııasynda jáne Býlaev orta mektebinde bir-bir jaǵdaıdan anyqtaldy. Lenın atyndaǵy orta mektepte 2, "Daryn" mektep-lıseıinde 4 jaǵdaı tirkeldi. Atalǵan bilim oryndarynda epıdemııaǵa qarsy sharalar júrgizildi. Aýrý belgisi bar adamdardyń barlyǵy 14 kúnge oqshaýlandy.

Sondaı-aq ShQO-da kezekshi synypta oqıtyn tórt oqýshy koronavırýs juqtyrdy. Atap aıtsaq, Shemonaıha aýdanynyń 4-synyp oqýshylary, Kókpekti aýdanynyń 11-synyp oqýshysy jáne Altaı aýdanynyń 2-synyp oqýshysynan indet belgileri anyqtalǵan. Budan soń, oblys aýmaǵyndaǵy  eki synyp pen bir mektep 14 kúndik karantınge jabyldy. COVID-19 vırýsy anyqtalǵan barlyq mektepterde epıdemııaǵa qarsy dezınfeksııalyq sharalar júrgizildi.

sh

Májilis Spıkeri Nurlan Nyǵmatýlınniń tóraǵalyǵymen ótken jalpy otyrysta depýtattardyń bastamasymen ázirlengen "Otbasylyq-turmystyq zorlyq-zombylyqqa qarsy is-qımyl týraly" jáne oǵan ilespe zań jobalary maquldandy

Qujat otbasylyq-turmystyq zorlyq-zombylyqqa qarsy is-qımyl jónindegi memlekettik saıasattyń quqyqtyq, áleýmettik, ınstıtýsıonaldyq jáne uıymdastyrýshylyq negizderin jetildirý maqsatynda daıyndalǵan. Zań jobasymen jumys isteý barysynda depýtattar turmystyq zorlyq-zombylyq salasyndaǵy is-qımyl sharalarynyń tutas júıesin qurýǵa baǵyttalǵan normalardy engizip, jaýapty organdardyń quzyretterin naqtylady.

pgnp
 Ýkraınada áskerı ushaq apatynan 25 adam qaza tapty

25 qyrkúıekte saǵat 20.50-de Chýgýev qalasynyń mańynda áskerı áýejaıdan shamamen eki shaqyrym qashyqtyqta Ýkraına QK An-26 ushaǵy apatqa ushyrap, órtendi. Bortta 7 ekıpaj múshesi jáne I.Kojedýb atyndaǵy Áýe Kúshteri ýnıversıtetiniń 21 kýrsanty, barlyǵy 28 adam bolǵan. Ýkraına Prezıdenti Vladımır Zelenskıı Harkov oblysynda apatqa ushyraǵan áýe apatyna baılanysty 25 qyrkúıekti Ulttyq aza tutý kúni dep jarııalady. Memleket basshysy Qasym-Jomart Toqaev Qazaqstan halqynyń jáne jeke óziniń atynan qaza bolǵan kýrsanttardyń týǵan-týysqandaryna kóńil aıtty.

lr

Armıan-ázerbaıjan qaqtyǵysy ýshyqty

Qazaqstan Respýblıkasynyń SIM armıan-ázerbaıjan qaqtyǵysynyń ýshyǵýyna baılanysty málimdeme jasady. Qazaqstan Taýly Qarabaqta oryn alǵan armıan-ázerbaıjan qaqtyǵysynyń ýshyǵýyna alańdaýshylyǵyn bildirip, halyqaralyq uıymdardyń alańdarynda janjaldy sheshýdiń beıbit joldaryn izdeýge kómektesýge daıyn ekenin málimdedi.

rgsh

 

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar