Qoǵam • 28 Qyrkúıek, 2020

Jol kartasy aıasynda Jambyl oblysynda 9,5 myń adam turaqty kiris taba bastady

17 ret kórsetildi

Jambyl oblysynda Jumyspen qamtýdyń jol kartasy aıasynda júzege asyrylatyn jobalar arqyly 2020 jyly 9544 adam jumysqa ornalasty, dep habarlaıdy Egemen.kz.

 

Jambyl oblysy ákimdiginiń jumyspen qamtýdy úılestirý jáne áleýmettik baǵdarlamalar basqarmasynyń málimeti boıynsha, óńirde jergilikti turǵyndardyń ómir súrý sapasyn jaqsartýǵa baǵyttalǵan 828 joba júzege asyrylýda. Munda mektepter salynyp, nysandarǵa aǵymdaǵy jáne kúrdeli jóndeý jumystary júrgizilýde.           

Máselen, Jambyl aýylynda 100 oryndyq mektep salynyp jatyr. Jobada jumyspen qamtý ortalyǵy arqyly ornalasqan 148 adam jumys isteıdi. Osylaısha, qajetti is-qımyl aıaqtalǵannan keıin aýyl balalaryna aýdan ortalyǵyna oqýǵa sabylýdyń qajeti bolmaıdy.   

"Oblysymyzda júzege asyrylyp jatqan jobalardyń eń kóp sany mańyzdy áleýmettik nysandardy qaıta qurý jáne kúrdeli jóndeý jumystaryn júrgizýge baǵyttalǵan. Sonymen qatar Jol kartasynyń arqasynda biz qazirdiń ózinde 9544 qazaqstandyqqa jumys tabýǵa kómektestik", - dedi Jambyl oblysy jumyspen qamtýdy úılestirý jáne áleýmettik baǵdarlamalar basqarmasynyń basshysy Jorabek Baýbekov.           

 

Budan buryn habarlanǵandaı, aǵymdaǵy jyldyń 8 aıynda respýblıka boıynsha JQJK aıasynda barlyǵy 165 myń jumys orny qurylǵan 6,4 myń jobany iske asyrý bastaldy. Onyń ishinde 100 myńǵa jýyq adam jumyspen qamtý ortalyǵy arqyly jumyspen qamtyldy. Jalpy, Jol kartasy boıynsha 255 myń jumys ornyn qurý josparlanýda. Sonymen qatar, JQJK jobalary bolashaqta 100 myńnan astam turaqty jumys ornyn ashýǵa arqaý bolady.

Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar