Elorda • 28 Qyrkúıek, 2020

Elordada satyp alý quqyǵymen jalǵa beriletin turǵyn úıge qujat qabyldaý bastaldy

136 ret kórsetildi

Nur-Sultanda satyp alý quqyǵymen jalǵa beriletin turǵyn úıge qujat qabyldaý bastaldy, dep habarlaıdy Egemen.kz elorda ákimdigine silteme jasap. 

Kezekke turǵandarǵa 224 páterdi paıdalanýǵa berý josparlanyp otyr.

Búgin Nur-Sultanda satyp alý quqyǵymen jalǵa beriletin turǵyn úı alýǵa qujat qabyldaý bastaldy. Bul baǵytqa qatysýǵa ótinimdi 7 qazanǵa deıin jiberýge bolady.

"Baǵdarlamaǵa turǵyn úı kezeginde turǵan jáne Nur-Sultan ákimdigine vedomstvolyq baǵynysty mekemeleriniń bilim berý, densaýlyq saqtaý, mádenıet, sport jáne áleýmettik qorǵaý salasy qyzmetkerleri, sondaı-aq polısııa jáne tótenshe jaǵdaılar departamentteriniń barlyq sanattaǵy azamattary qatysa alady", dep habarlady elordanyń Turǵyn úı qory.

N.Tilendıev dańǵylynda, Sary bulaq boıynda ornalasqan "Jańa qonys" turǵyn úı kesheninen jáne S.Toraıǵyrov kóshesinde ornalasqan "Keremet" turǵyn úı kesheninen 224 páterdi jalǵa berý josparlanǵan.

Áleýmettik turǵyn úı alýshylary aı saıyn ár sharshy metri úshin 1455 teńge tóleýi kerek. Eń kóp jaldaý merzimi – 20 jyl. Ol aıaqtalǵannan keıin turǵyn úı jalǵa alýshynyń menshigine ótedi.

"Úmitkerler otbasy quramyna qaramastan 1,2,3 bólmeli páterlerge ótinish bere alady. Alaıda, tańdalǵan páter túrin alýǵa kelisim berý olardyń tólem qabiletine tikeleı baılanysty. Mysaly, aýdany 37 sharshy metr bolatyn bir bólmeli páterdi jalǵa alý aıyna 53 835 teńgeni quraıdy. Bul jaǵdaıda otbasy úshin shamamen alynǵan kiris basqa mindettemelerdi qospaǵanda kem degende 110 000 teńgeni quraýy kerek", – delingen habarlamada.

О́tinishter zhilfond.kz saıty arqyly qabyldanady. Bul resýrsta" Onlaın qyzmetter" bóliminde "Satyp alý quqyǵymen jalǵa beriletin turǵyn úıge ótinish berý (QIK)" terezesi paıda boldy. О́tinishti qaldyrý úshin ótinim berýshilerde ESQ kilti jáne jumys ornynan anyqtama bolýy kerek.

Jalǵa beriletin turǵyn úıdi alýshylardy irikteý tirkeý kúnine sáıkes júzege asyrylady. Ári qaraı, áleýetti jalǵa alýshylar tólem qabilettiligin jáne basqa máselelerdi rastaý úshin osy turǵyn úı baǵdarlamasynyń operatory "Qazaqstandyq ıpotekalyq kompanııa" AQ-ǵa júginýi kerek. QIK senim telefony: 8 800 080-44-48.

Sońǵy jańalyqtar

Taraz qalasynda nan qymbattaǵan

Aımaqtar • Búgin, 19:15

Dollardyń erteńgi baǵamy qandaı bolmaq?

Ekonomıka • Búgin, 18:25

Almatydaǵy avtoservıs otqa orandy

Aımaqtar • Búgin, 15:33

Joǵalǵan bala 12 saǵatta tabyldy

Aımaqtar • Búgin, 14:38

Karantınniń kezinde kókpar tartqan

Aımaqtar • Búgin, 12:30

Bos jatqan 665 myń gektar jer anyqtaldy

Aımaqtar • Búgin, 12:10

Dollardyń baǵasy kún sanap ósip keledi

Ekonomıka • Búgin, 11:30

Uqsas jańalyqtar