Aımaqtar • 28 Qyrkúıek, 2020

Almatyda "Ǵajaıyp qoltańba" atty jádigerler kórmesi bastalady

31 ret kórsetildi

Aldaǵy kúnderi, ıaǵnı 2020 jyldyń 1 qazanda QR Memlekettik ortalyq mýzeıinde halyqaralyq yntymaqtastyq aıasynda Qytaı Halyq Respýblıkasynyń Almaty qalasyndaǵy Bas konsýldyǵymen birlesken "Ǵajaıyp qoltańba" atty kórme ashylady. Qytaı Halyq Respýblıkasynyń 71 jyldyǵyna arnalǵan kórmeden Qazaqstan Respýblıkasy Memlekettik ortalyq mýzeıi qorynda saqtalǵan qytaı farfor buıymdary oryn alady, dep habarlaıdy Egemen.kz

Qytaı farfory ­­­­- aspan asty ımperııasynyń mádenıeti men óneriniń mańyzdy komponentteriniń biri. Jádiger buıymdar farforǵa sýret salý ónerin kórsetedi, sonymen qatar ejelgi dáýirlerden bastap ár zamanda óz týyndylary arqyly álemdik ónerge qundy úles qosqan qytaı sheberleriniń ǵasyrlyq dástúrlerin pash etedi.

Qazaqstan Respýblıkasy Memlekettik ortalyq mýzeıiniń qorynda XIX ǵasyrdyń ekinshi jartysynda (QR MOM Orynbor kezeńiniń tarıhy) qalyptasa bastaǵan qysh pen farfor toptamalary erekshe oryn alady. Ol kezde mýzeıge ótkizilgen alǵashqy eksponattardy jeke adamdar "syıǵa bergen" jáne olar negizinen XVIII-XIX ǵasyrlarǵa tıesili turmystyq zattar edi. Olardyń arasynda ásemdigi jáne kórkem pishinderimen nazar aýdartatyn  ár túrli keramıkadan jasalǵan buıymdar bar.

"Ǵajaıyp qoltańba" kórmesiniń ekspozısııasy 3 bólimnen turady: arheologııalyq qazba jumystarynyń úlgileri; farfordy kórkem keramıka óneriniń aıryqsha úlgisi retinde tanystyrý; sondaı-aq kórkem keramıkanyń sándi shaǵyn túrleri. Kórmege QR Ortalyq mýzeıiniń farfordan, faıans, keramıka, mys, sazdan jasalǵan 60-tan astam biregeı eksponattary qoıylady.  Jurt nazaryna usynylatyn jádirgerler ishinde Talǵar qalasynan (Talhır) tabylǵan, Uly Jibek jolymen bizge jetken qysh buıymdaryn kórsetetin arheologııalyq qysh buıymdary erekshe qyzyǵýshylyq týdyrady. Bul XI-XII ǵasyrlardaǵy qytaı farforynan jasalǵan, Sýn dınastııasyna tıesili, Almaty mańyndaǵy ejelgi Talhır (Talǵar) qalasyndaǵy qazba jumystary kezinde tabylǵan tostaqtar men tabaqtar. XIX ǵasyrdyń 40-jyldarynda Orynbor qalasynda satyp alynǵan gúldi oıýlar men qytaılyq órnekteri bar farfordan jasalǵan ydys-aıaqtardyń ǵajaıyp kolleksııasy, qumyralar, onyń ishinde Qashqarııadan Sh.Ýálıhanov ákelgen jeke qumyrasy, sonymen qatar 20 ǵasyrdyń ár jyldaryndaǵy shaı rásiminiń zattary da kórmede usynylady. Qazaqstan Respýblıkasynyń Tuńǵysh Prezıdenti N.Á. Nazarbaevqa QHR basshylary syıǵa tartqan qumyralar men kádesyılar de qundy jádigerlerdiń biri bolyp tabylady.

Qytaılyq qolónershiler salǵan buıymdar sapasy, ádemiligi, dekordyń ózindik ereksheligi, pishinderi men taqyryptarynyń alýan túrliligimen erekshelenedi. Qytaı peızajdarynyń sulýlyǵy, býdda hramdarynyń, saraılar men pagodtardyń ásem formalary, gúldermen áshekeılengen buıymdar, gúl kompozısııalarynyń syzbalary, sýretter, ıeroglıfter - osynyń bári sýretshilerdiń joǵary sheberligin pash etedi.

Kórme shynaıy ónerdi baǵalaýshylarǵa mýzeıdiń farfor kolleksııasymen tanysyp, qytaı farforyn tamashalaý arqyly estetıkalyq lázzat alýǵa múmkindik beredi.

 

Sońǵy jańalyqtar

Taraz qalasynda nan qymbattaǵan

Aımaqtar • Búgin, 19:15

Dollardyń erteńgi baǵamy qandaı bolmaq?

Ekonomıka • Búgin, 18:25

Almatydaǵy avtoservıs otqa orandy

Aımaqtar • Búgin, 15:33

Joǵalǵan bala 12 saǵatta tabyldy

Aımaqtar • Búgin, 14:38

Karantınniń kezinde kókpar tartqan

Aımaqtar • Búgin, 12:30

Bos jatqan 665 myń gektar jer anyqtaldy

Aımaqtar • Búgin, 12:10

Dollardyń baǵasy kún sanap ósip keledi

Ekonomıka • Búgin, 11:30

Uqsas jańalyqtar