Qaýlyǵa sáıkes, oıyn-saýyq oryndarynyń (karaoke, bılıard, kompıýterlik klýbtar, túngi klýbtar, boýlıng ortalyqtary, jabyq úı-jaılardaǵy balalardyń oıyn alańdarymen attraksıondar, batýttar jáne basqalary), kınoteatrlardyń (ashyq aýadaǵy kınoteatrlardy qospaǵanda), býkmekerlik keńselerdiń qyzmetine tyıym salynyp otyr. Al memlekettik organdardyń (uıymdardyń, kásiporyndardyń), kvazımemlekettik sektorlardyń, ulttyq kompanııalardyń, ózge de uıymdardyń, sondaı-aq, ruqsat etilgen kásipkerlik sýbektilerdiń qyzmetine áleýmettik qashyqtyqty jáne kúsheıtilgen sanıtarlyq-dezınfeksııalyq rejımdi saqtaı otyryp ruqsat berildi. Sonymen birge qyzmetkerlerdiń keminde 50%-y (shtat kestesinde 30-dan astam qyzmetker bolǵanda) qashyqtan jumys rejımi saqtalady.
Bir mezgilde jabyq ǵımarattarda, ashyq alańdarda 50 adamnan aspaıtyn, keminde 2 metr áleýmettik qashyqtyqty jáne kúsheıtilgen sanıtarlyq-dezınfeksııalyq rejımdi saqtaı otyryp, bir otbasy múshelerin qospaǵanda bir ústelge 4 adamnan aspaıtyn adam sanyna otyrýǵa ruqsat etip, ujymdyq is-sharalardy ótkizbeı, qoǵamdyq tamaqtandyrý obektileriniń (kafeler, meıramhanalar jáne basqalar) qyzmetine saǵat 08:00-dan 00:00-ge deıin ruqsat berilip otyr.
Maska rejımi men Teńiz ken orny aýmaǵynda buǵan deıin engizilgen karantın rejımi saqtalady.
