Saıasat • 28 Qyrkúıek, 2020

Qazaqstan Elshisi Ispanııa Kongresiniń Tóraǵasymen kezdesti

3 ret kórsetildi

Qazaqstannyń Ispanııadaǵy Elshisi Konstantın Jıgalov Kongress Tóraǵasy Merıtchel Batetpen kezdesti, dep habarlaıdy Egemen.kz SIM baspasóz qyzmetine silteme jasap.

Kezdesý barysynda taraptar halyqaralyq máselelerdiń ózekti suraqtaryn jáne strategııalyq seriktestikke sáıkes ekijaqty kún tártibindegi keń aýqymdy máselelerdi talqylady.

Elshi men M.Batet eki el basshylyqtarynyń ekonomıkany turaqtandyrý, ony pandemııa men koronavırýstan keıingi kezeń aıasynda yntalandyrý men qaıta qurylymdaý boıynsha qabyldaǵan sharalary týraly aqparatpen almasty. Osyǵan oraı K.Jıgalov Ispanııa Kongressiniń spıkerin Prezıdent Q.Toqaevtyń «Jańa jaǵdaıdaǵy Qazaqstan: Is-qımyl kezeńi» Joldaýynyń negizgi baǵyttarymen tanystyryp, onyń sóılegen sóziniń ıspan tiline aýdarylǵan kitapshasyn berdi.

Sonymen qatar, taraptar Qazaqstan men Ispanııadaǵy ishki saıası ahýal týraly, eki eldiń parlamentteriniń indet jaǵdaıyndaǵy jumysynyń negizgi baǵyttary men erekshelikteri týraly aqparatpen bólisip, parlamentaralyq yntymaqtastyqty, onyń ishinde epıdemıologııalyq ahýal qalypqa kelgennen keıin joǵary deńgeıdegi saparlarmen almasý men Qazaqstan-Ispanııa parlamentaralyq dostyq tobyn qurý baǵytynda jumysty jalǵastyrýǵa nıet bildirdi.

Jahandyq máselelerdi talqylaý sheńberinde K.Jıgalov pen M.Batet BUU Bas Assambleıasy 75-sessııasynyń jalpysaıası debattaryn ótkizý mańyzdylyǵyn atap ótti. Elshi Kongress basshysyn Qazaqstan Respýblıkasynyń Prezıdenti Qasym-Jomart Toqaevtyń sóılegen sóziniń negizgi úzindilerimen tanystyrdy.

Atap aıtqanda K.Jıgalov suhbattasýshynyń nazaryn qazaqtyń uly oıshyly Abaıdyń adamzatqa keregi súımek, sezbek, keıimek, qareket qylmaq, júgirmek, aqylmen oılap sóılemek degen parasattylyq pen danalyqqa toly sózderine aýdaryp, ol aqyn úshin ǵalamdyq ózara árekettesýdiń jemisti formýlasy bolǵanyn jetkizdi.

IýNESKO-nyń aıasynda 175 jyldyq mereıtoıy keń kólemde atalyp ótip jatqan qazaqtyń uly aǵartýshysynyń dana sózderinen tereń áser alǵan M.Batet olardy búgingi kúnge deıin búkil adamzat úshin óte ózekti dep atady.

Kezdesý sońynda K.Jıgalov ekijaqty mádenı-gýmanıtarlyq saladaǵy jemisti ekijaqty yntymaqtastyqty atap ótip, M.Batetke jýyrda ıspan tiline aýdarylǵan avtordyń óleńderi men «Qara sózderi» engen «Abaı» kitabyn syıǵa tartty. Sonymen qatar, Ispanııada qazaq prozasy men poezııanyń Antologııasynyń Servantes tiline aýdarmasy úlken qanaǵattanýshylyqpen qabyldandy.

Sońǵy jańalyqtar

Taraz qalasynda nan qymbattaǵan

Aımaqtar • Búgin, 19:15

Dollardyń erteńgi baǵamy qandaı bolmaq?

Ekonomıka • Búgin, 18:25

Almatydaǵy avtoservıs otqa orandy

Aımaqtar • Búgin, 15:33

Joǵalǵan bala 12 saǵatta tabyldy

Aımaqtar • Búgin, 14:38

Karantınniń kezinde kókpar tartqan

Aımaqtar • Búgin, 12:30

Bos jatqan 665 myń gektar jer anyqtaldy

Aımaqtar • Búgin, 12:10

Dollardyń baǵasy kún sanap ósip keledi

Ekonomıka • Búgin, 11:30

Uqsas jańalyqtar