Aımaqtar • 28 Qyrkúıek, 2020

Jemqorlyqty áshkereleýge járdemdesken 9 azamatqa aqshalaı syıaqy berildi

18 ret kórsetildi

Qoǵamda paraqorlyqqa kóp jaǵdaıda turǵyndardyń quqyqtyq saýattylyǵy men  azamattyq belsendiliktiń tómendigi sebep bolyp jatady. Tirligin teńgemen sheshýge tyrysyp, qyzmet kórsetýshige qarajat usynýǵa qumar azamattardyń áreketteri "Para berý, para usyný" qylmysynyń týyndaýyna tikeleı yqpal etýde. Sondyqtan da, para berýshi bolmasa, para alýshy da bolmaıtynyn eskersek,  kópshilik qaýym eldiń erteńgi bolashaǵy úshin  óziniń azamattyq belsendiligin tanytýy qajet-aq, dep jazady Egemen.kz.

Sonyń ishinde, adal qoǵamdy qalyptastyrýda elimizdiń árbir azamaty ar tazalyǵyn saqtap qana qoımaı, ushyrasqan sybaılas  jemqorlyq derekterine beıjaı qaramaýy tıis.  Búgingi kúni Agenttiktiń  táýlik boıy tegin qyzmet kórsetetin 1424 Call ortalyǵyna qońyraý shalý arqyly turǵyndar óz aqparattarymen bólisýine tolyqtaı múmkinshiligi bar. Jáne mekemege aryz-shaǵym qaldyrý arqyly ózinde bar barlyq málimetin tolyqtaı Sybaılas jemqorlyqqa qarsy qyzmet ókilderine usyna alady. Osy oraıda, Túrkistan óńirinde sońǵy 8 aı ishinde  jemqorlyq qylmysyn áshkereleýge járdemdesken 9 azamatqa aqshalaı syıaqy berilip, oblys turǵyndarynyń tarapynan shalynǵan qońyraýlar arqyly 7 tulǵanyń ústinen qylmystyq is qozǵalǵanyn aıta ketken jón.

Memleket ekonomıkasyn turalatýǵa jáne ulttyq qaýipsizdikke qater tóndirýge qaýqarly sybaılas jemqorlyq máseleleri - áli de kún tártibinen túspeı keledi. Memleket basshysy Qasym Jomart Toqaev halyqqa arnaǵan  Joldaýynda  jemqorlyqpen ustalǵandardyń memlekettik qyzmette jáne kvazı memlekettik sektorda jumys isteýine ómir boıy tyıym salatyn qaǵıda qatań saqtalýy kerektigin aıtty. Sondaı-aq Prezıdent sybaılas jemqorlyq derekteri týraly habarlaǵan adamdardy zań júzinde qorǵaıtyn júıe qalyptastyrý qajettigin atap kórsetti.

El Prezıdenti atap ótkendeı, jyl ótken saıyn kóleńkeli qylmysqa jol bergenderge kóriletin jaza túri qatańdap keledi. Degenmen, jeń ushynan jalǵasqan jemqorlyq táýekelderiniń týyndaýy tek bir ǵana taraptan bolmaıtyndyǵyn eskergen jón. Osy oraıda, el damýyn báseńdetip, halyq pen bılik arasyndaǵy berik senimdi setinetetin sybaılas jemqorlyqqa jol bermeý jáne onyń deńgeıin tómendetý tek Agenttik qyzmetkerlerine júktelgen mindet emes, ol árbir qazaqstandyqqa ortaq mindet ekendigi barshaǵa belgili. Sebebi,  barmaq basty, kóz qysty áreketterge jol bermeý -  kópshiliktiń kókeıindegi jalpylama uran bolǵanmen, iske kelgende ár bir azamattyń, ardyń isi ekeni anyq. Sybaılas jemqorlyq deńgeıiniń tómendetýdiń tóte joly - azamattyq belsendilikti arttyra otyryp,  halqymyzǵa  adal qyzmet etý dep esepteımin.

 

Marat QATTAÝBAEV,

Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti basshysynyń orynbasary

Sońǵy jańalyqtar

Taraz qalasynda nan qymbattaǵan

Aımaqtar • Búgin, 19:15

Dollardyń erteńgi baǵamy qandaı bolmaq?

Ekonomıka • Búgin, 18:25

Almatydaǵy avtoservıs otqa orandy

Aımaqtar • Búgin, 15:33

Joǵalǵan bala 12 saǵatta tabyldy

Aımaqtar • Búgin, 14:38

Karantınniń kezinde kókpar tartqan

Aımaqtar • Búgin, 12:30

Bos jatqan 665 myń gektar jer anyqtaldy

Aımaqtar • Búgin, 12:10

Dollardyń baǵasy kún sanap ósip keledi

Ekonomıka • Búgin, 11:30

Uqsas jańalyqtar