Qoǵam • 28 Qyrkúıek, 2020

Aqtoty Raıymqulova "Rýhanı qazyna" respýblıkalyq festıvaline qatysýshylarǵa tabys tiledi

80 ret kórsetildi

Búgin  Mádenıet jáne sport mınıstrliginiń uıymdastyrýymen elimizde mádenıet uıymdary men qyzmetkerleriniń "Rýhanı qazyna" respýblıkalyq festıvali bastalady. Osy oraıda Mádenıet jáne sport mınıstri Aqtoty Raıymqulova festıvalge qatysýshylarǵa tabys tiledi, dep habarlaıdy Egemen.kz.

"Epıdemııalyq jaǵdaıǵa baılanysty bıyl III-shi "Rýhanı qazyna-2020" respýblıkalyq baıqaýy onlaın formatta ótkeli otyr. Búginde festıvalge qatysý úshin elimizdiń 14 óńirinen 255 ótinim kelip tústi. Sondaı-aq mádenı-demalys uıymdarynyń qyzmetkerlerin qoldaý maqsatynda Temirbek Júrgenov, Ahmet Jubanov, Ǵazıza Jubanova, Shara Jıenqulova, Kúlásh Baıseıitova, Ramazan Bapov, О́zbekáli Jánibekov, Ilııas Omarov atyndaǵy arnaıy júldeler taǵaıyndalady", dedi Aqtoty Raıymqulova.

Onyń aıtýynsha, festıval aıasynda "Bir otbasy – bir kásip" atty arnaıy júlde tabystalady. Bul júldemen kitaphanashy, mýzeı jáne klýb qyzmetkeri mamandyǵy urpaqtan-urpaqqa jalǵasyp kele jatqan áýletter marapattalady. Sondaı-aq mádenıet uıymdarynyń 29 jasqa deıingi jas qyzmetkerlerine arnaıy "Jyl serpini" atty nomınasııa qarastyrylǵan.

"Osy oraıda Festıval jyl sanap mádenıet salasyn turaqty damytýǵa, osy salada eńbek etip júrgen qyzmetkerler ózin-ózi jetildirýine, kreatıvti oılaý qabiletin damytýǵa jáne tájirıbe almasýǵa shabyttandyrady dep senemin. Baıqaýǵa qatysýshylar árdaıym kóp,  degenmen "úzdikterdi" bilikti qazylar alqasy anyqtaıdy, sondyqtan nátıjege qaramastan, qol jetkizgen jetistikterińizben toqtap qalmańyzdar degim keledi. Baıqaý – bul árdaıym damýdyń, jańa bilimmen tolyǵýdyń jańa kezeńi. Barshańyzǵa sáttilik tileımin!" - delingen mınıstrdiń quttyqtaý hatynda. 

Aıta keteıik, Elbasy N.Á. Nazarbaevtyń "Rýhanı jańǵyrý" baǵdarlamalyq maqalasyn iske asyrý maqsatynda Mádenıet jáne sport mınıstrligi 2018 jyldan beri mádenıet uıymdary men qyzmetkerleriniń "Rýhanı qazyna" respýblıkalyq festıvalin ótkizip keledi. 2018-2019 jyldary baıqaýǵa elimizdiń 17 óńirinen kelip túsken 200-den astam ótinimniń ishinde 20 nomınasııa boıynsha úzdikter anyqtalǵan bolatyn.

Baıqaý memlekettik mýzeıler (oblystyq, aýdandyq (qalalyq), aýyldyq mańyzy bar), memlekettik kitaphanalar (oblystyq, aýdandyq (qalalyq), aýyldyq mańyzy bar), mádenı-demalys keshenderi, mádenıet úıleri, klýbtar (oblystyq, aýdandyq (qalalyq), aýyldyq mańyzy bar) jáne mádenıet uıymdarynyń qyzmetkerleri arasynda ótedi.

Sońǵy jańalyqtar

Taraz qalasynda nan qymbattaǵan

Aımaqtar • Búgin, 19:15

Dollardyń erteńgi baǵamy qandaı bolmaq?

Ekonomıka • Búgin, 18:25

Almatydaǵy avtoservıs otqa orandy

Aımaqtar • Búgin, 15:33

Joǵalǵan bala 12 saǵatta tabyldy

Aımaqtar • Búgin, 14:38

Karantınniń kezinde kókpar tartqan

Aımaqtar • Búgin, 12:30

Bos jatqan 665 myń gektar jer anyqtaldy

Aımaqtar • Búgin, 12:10

Dollardyń baǵasy kún sanap ósip keledi

Ekonomıka • Búgin, 11:30

Uqsas jańalyqtar