Bilim • 28 Qyrkúıek, 2020

Qazaqstandyq oqýshylar halyqaralyq olımpıadadan júldeli oryn aldy

19 ret kórsetildi

Qazaqstan qurama komandasy 61-shi Halyqaralyq matematıkalyq Olımpıadada úsh kúmis jáne eki qola medal jeńip aldy, dep habarlaıdy Egemen.kz Bilim jáne ǵylym mınıstrliginiń baspasóz qyzmetine silteme jasap.

Jarysqa álemniń 100-den astam elinen joǵary synyp oqýshylary qatysty. Qazaqstandyq komandanyń quramynda 6 adam boldy.

Qurama komandanyń jattyqtyrýshysy, matematıka páni boıynsha halyqaralyq olımpıadalardyń birneshe dúrkin jeńimpazy Qanat Satylhanov shákirtteriniń jetistikterine kóńili tolatynyn atap ótti. Bıyl balalar IMO 2020 halyqaralyq saıystyń barlyq qatysýshylary sııaqty qashyqtan daıyndaldy.

"Olımpıada proktorıng júıesi arqyly ótti. Jarys búgin resmı túrde aıaqtalady. Qazaqstannyń komandalyq nátıjeleri ótken jylmen salystyrǵanda aıtarlyqtaı jaqsardy. Altyn medal jeńip alýǵa bir ǵana upaı jetpedi. Negizinen bizdiń balalarymyz óte myqty. Ár bala óz aldyna qoıǵan maqsatyna jete alady. Osy rette balalarǵa qoldaý kórsetý mańyzdy. Ata-analar men pedagogterge birlesken eńbegi úshin alǵys aıtamyn", – dedi Qanat Satylhanov.

El namysyn qorǵaǵan komanda quramyna Taır Satýbaldın (Almaty q.), Tamırlan Bektemisov (Almaty q.), Nurtas Shyntas (Almaty q.), Iýrıı Ten (Almaty q.), Danat Dúısenbekov (Nur-Sultan q.) jáne Fetýllah Sam (Nur-Sultan q.) kirdi.

Halyqaralyq matematıka olımpıadasynyń erejelerine sáıkes joǵary synyp oqýshylaryna eki kúnniń ishinde 6 esepti sheshýi tıis. Tapsyrmalar matematıkanyń ártúrli bólimderi boıynsha, negizinen geometrııa, algebra, sandar teorııasy jáne kombınatorıkadan beriledi.

Sońǵy jańalyqtar

Taraz qalasynda nan qymbattaǵan

Aımaqtar • Búgin, 19:15

Dollardyń erteńgi baǵamy qandaı bolmaq?

Ekonomıka • Búgin, 18:25

Almatydaǵy avtoservıs otqa orandy

Aımaqtar • Búgin, 15:33

Joǵalǵan bala 12 saǵatta tabyldy

Aımaqtar • Búgin, 14:38

Karantınniń kezinde kókpar tartqan

Aımaqtar • Búgin, 12:30

Bos jatqan 665 myń gektar jer anyqtaldy

Aımaqtar • Búgin, 12:10

Dollardyń baǵasy kún sanap ósip keledi

Ekonomıka • Búgin, 11:30

Uqsas jańalyqtar