Mundaı sheshim Taıland premer-mınıstri general Praıýt Chan-Ochanyń tóraǵalyǵymen ótken koronavırýstyq ınfeksııamen kúres jónindegi ulttyq ortalyqtyń otyrysynda qabyldanǵan.
"Bul tótenshe jaǵdaı rejıminiń osymen altynshy ret uzartylýy. Álemdegi epıdemııalyq jaǵdaı áli jaqsarǵan joq. Qazirdiń ózinde 33 mıllıonnan astam adam indet juqtyrdy, mıllıon naýqas qaıtys boldy", - dedi ol.
Taılandta sońǵy úsh aıda jergilikti turǵyndardan tek eki adam koronavırýs juqtyrǵan. Al qalǵany atalǵan elge shetelden kelgen jergilikti jáne sheteldik azamattardan anyqtalǵan.
Aıta keteıik, munda pandemııa bastalǵaly beri 3545 adam koronavırýspen aýyrdy, 59 adam qaıtys boldy, 3369 adam emdelip shyqty. Qazirgi ýaqytta aýrýhanalarda 117 adam koronavırýsqa qarsy em qabyldaýda.
