«Sherhan Murtaza atyndaǵy rýhanııat jáne tarıhtaný» ortalyǵynyń májilis zalynda ótken sharaǵa óńirdiń zııaly qaýym ókilderi men júldegerler qatysty. Jeńimpazdar men júldegerlerdi marapattaý rásiminde oblystyq ardagerler keńesiniń tóraǵasy Erkinbek Soltybaev, oblystyq bıler keńesiniń tóraǵasy Ońlasyn Esirkepov, oblystyq "Tarıhı-mádenı eskertkishterdi qorǵaý jáne qalpyna keltirý dıreksııasynyń" dırektory Qýanysh Dáýrenbekov, "Sherhan Murtaza atyndaǵy rýhanııat jáne tarıhtaný" ortalyǵynyń dırektory Saýran Qalıev jazýshynyń qaıratkerlik, jazýshylyq hám kisilik kelbeti týraly sóz qozǵasa, aıtysker aqyn Ahmetjan О́zbekov Sherhan Murtazanyń "Aı men Aısha" shyǵarmasy fılmge suranyp turǵanyn, keleshekte atalǵan týyndynyń jelisinde kıno túsirilse degen usynysyn aıtty.
Jalpy, "Shynnyń júzi – Sheraǵa" atty aqyndar dodasyna óńirdegi 15 pen 30 jas aralyǵyndaǵy jas aqyndar qatysyp, baq synaǵan bolatyn. Jyr músháırasynyń bas júldesin jeńip alǵan jas aqyn Nurjan Qadirálige 500 myń teńgeniń sertıfıkaty tabystalyp, ol qarajatqa jeńimpazdyń tuńǵysh jınaǵy jaryq kóretin boldy. Sondaı-aq, osy kúni "Shynnyń júzi – Sheraǵa" atty beınerolıkterdiń oblystyq Online baıqaýynyń da jeńimpazdary marapattaldy. Barsha jeńimpazdar men júldegerlerge noýtbýk, beınekamera, smartfon, planshet jáne jazýshynyń kitaptary tabys etildi.
Jambyl oblysy
