Qoǵam • 28 Qyrkúıek, 2020

"Qazaqstan halqy Assambleıasyna 25 jyl" merekelik medaldary tabystaldy

19 ret kórsetildi

Dostyq úıinde "Qazaqstan halqy Assambleıasyna 25 jyl" merekelik medaldaryn tapsyrý rásimi ótti, dep habarlaıdy Egemen.kz.

Saltanatty sharaǵa QHA qyzmetine zor úles qosqan Qazaqstan halqy Assambleıasynyń ókilderi qatysty. Nur-Sultan qalalyq ishki saıasat basqarmasynyń basshysy Talǵat Rahmanberdi medaldardy tabys etti. Marapatqa ıe bolǵandar arasynda mádenıet ortalyqtarynyń basshylary, fototilshiler de bar.

QHA mereıtoıy pandemııanyń taralýymen tuspa-tus kelip, jalpy jumys barysyna aıtarlyqtaı áser etken.

"Elordalyq QHA jedel túrde qaıta qurylyp, jumys josparyna túzetýler engizildi. Tótenshe jaǵdaıda jumystyń jańa túrleri atqaryldy. Karantınge qaramastan, elordalyq Assambleıa 73 is – shara ótkizdi, onyń 60-y onlaın rejımde ótti. Assambleıa músheleri senbilikter men mereıtoılyq is-sharalarda, "Biz birgemiz!", eriktiler qozǵalysynda belsendilik tanytty. Eriktiler jylynda qarttarǵa, jalǵyz basty adamdarǵa jáne az qamtylǵan otbasylarǵa azyq-túlik, dári-dármek, betperde jetkizýge kómek kórsetildi; medısınalyq qyzmetkerlerge ystyq tamaq beriledi",-dedi Nur-Sultan qalalyq ishki saıasat basqarmasynyń basshysy Talǵat Rahmanberdi.

Qalalyq Assambleıa jumysynyń basty baǵyttarynyń biri - qaıyrymdylyqty damytý.

"Muqtaj jandarǵa tek elordada ǵana emes, odan tys jerlerde de kómek kórsetildi. Sonyń ishinde Arys, Qordaı jáne Maqtaaral jáne t.b. aýdandarynda ıgi ister jasaldy. Tek birinshi jartyjyldyqta elordalyq Assambleıa jalpy somasy 36 313 myń teńgege 70 aksııa uıymdastyrdy", – dep atap ótti uıymdastyrýshylar.

Dostyq úıinde ANKLive tikeleı efır stýdııasy jumys isteıdi. 2020 jyldyń barlyq merekelik kúnderge arnalǵan tikeleı efırler, memleket jáne qoǵam qaıratkerleriniń qatysýymen kezdesýler ótkizildi.

Ártúrli adamdardyń taǵdyry týraly beınerolıkter toptamasy #MypomnımANK chellendji úlken qoǵamdyq rezonans týdyrdy. Qazaqstan halqy Assambleıasynyń ardagerleri týraly "Assambleıa. Tulǵa. Taǵdyr" jobasy júzege asty. Dostyq úıinde jetistikke jetken kóp balaly áıelderge, qoǵam belsendilerine arnalǵan "Ana" fotokórmesi ashyldy. Qalalyq Assambleıa quramynda azamattyq qoǵamnyń turaqtylyǵyna yqpal etetin 18 medıator bar.

Aıta keteıik, is-shara barlyq sanıtarııa normalaryn saqtaı otyryp ótti. Sondaı-aq, Talǵat Rahmanberdi qatysýshylardy barlyq talaptardy saqtaýǵa shaqyrdy.

Sońǵy jańalyqtar

Taraz qalasynda nan qymbattaǵan

Aımaqtar • Búgin, 19:15

Dollardyń erteńgi baǵamy qandaı bolmaq?

Ekonomıka • Búgin, 18:25

Almatydaǵy avtoservıs otqa orandy

Aımaqtar • Búgin, 15:33

Joǵalǵan bala 12 saǵatta tabyldy

Aımaqtar • Búgin, 14:38

Karantınniń kezinde kókpar tartqan

Aımaqtar • Búgin, 12:30

Bos jatqan 665 myń gektar jer anyqtaldy

Aımaqtar • Búgin, 12:10

Dollardyń baǵasy kún sanap ósip keledi

Ekonomıka • Búgin, 11:30

Uqsas jańalyqtar