Aımaqtar • 28 Qyrkúıek, 2020

Batys Qazaqstanda tumaýǵa qarsy jappaı ekpe júrýde

10 ret kórsetildi

Batys Qazaqstan oblystyq densaýlyq saqtaý basqarmasy tumaýǵa qarsy 67 myń doza vaksına satyp aldy. Jergilikti bıýdjettiń únemdelgen qarajatynan tumaýǵa qarsy taǵy da 59 500 doza vaksına satyp alýǵa qosymsha ótinim berildi. Bul sharalar oblys turǵyndarynyń 20 paıyzyn ekpemen qamtýǵa jetedi, dep habarlaıdy Egemen.kz.

Bıylǵy 25 qyrkúıekke deıin óńirde 33 301 adam tumaýǵa qarsy vaksına alyp úlgergen. Olardyń 80 paıyzǵa jýyǵy, ıaǵnı 5420 adam – densaýlyq saqtaý salasynyń qyzmetkerleri. Sondaı-aq, dıspanserlik esepte turǵan 4519 bala, sońǵy 6 aı ishinde jıi aýyrǵan 1765 sábı, balalar úıleri men túrli ınternatta tárbıelenýshi 270 bara da ekpe alǵan. Buǵan qosa qarttar men múgedekter úıleriniń 806 klıenti, júrek-tamyr jáne tynys alý organdarynyń sozylmaly aýrýlary bar 22954 adam, aıy-kúni jaqyndaǵan 973 júkti áıel jáne mektep oqýshylary men muǵalimder arasynan 3054 adam aldyn ala vaksına saldyrǵan eken.

- Tumaýdyń epıdemııalyq maýsymy kezinde oblys turǵyndaryn sanıtarlyq-epıdemıologııalyq sharalarmen qamtamasyz etý maqsatynda densaýlyq saqtaý basqarmasy oblystyq taýarlar men qyzmetteriniń sapasyn baqylaý departamentimen birlesip "2020-2021 jj epıdemıologııalyq maýsymda tumaýdyń jáne basqa jedel respıratorly aýrýlardyń aldyn alý týraly" buıryq shyǵardy. Osy buıryqqa sáıkes epıdemııalyq maýsymda tumaýdyń jáne basqa jedel respıratorlyq aýrýlardyń taralýyn boldyrmaý úshin arnaıy jumys toby quryldy. Epıdemııaǵa qarsy profılaktıkalyq sharalardy qamtamasyz etý jáne medısınalyq uıymdarda tumaýǵa jáne aýyr jedel respıratorlyq ınfeksııalarǵa qadaǵalaýdy uıymdastyrý algorıtmderi bekitildi. Ásirese perzenthanalar men bilim berý mekemeleri basty nazarda, deıdi oblystyq taýarlar men qyzmetteriniń sapasyn baqylaý departamentiniń baspasóz hatshysy Ádemi Ǵıbratqyzy.

Halyqtyń osal toptaryn tumaýǵa qarsy ekpemen qamtý bıylǵy 15 qyrkúıek pen 15 qazan aralyǵynda júrgiziledi. Bıyl bul prosedýra jyldaǵydaı 1 qazannan emes, qyrkúıektiń ortasynan bastalyp otyr. О́ıtkeni mamandar aǵzanyń maýsymdyq aýrýy kezinde daıyndalýǵa ýaqyty bolýy úshin erterek bastaýǵa sheshim qabyldaǵan. Aksııa koronavırýstyq ınfeksııanyń jańa tolqynynyń paıda bolýyn boldyrmaýǵa baǵyttalǵan.

Aıta keteıik, Batys Qazaqstan oblystyq densaýlyq saqtaý basqarmasynyń bastyǵy Bolatbek Kaıýpov Oralda alǵashqylardyń biri bolyp ekpe aldy.

 

Batys Qazaqstan

Sońǵy jańalyqtar

Taraz qalasynda nan qymbattaǵan

Aımaqtar • Búgin, 19:15

Dollardyń erteńgi baǵamy qandaı bolmaq?

Ekonomıka • Búgin, 18:25

Almatydaǵy avtoservıs otqa orandy

Aımaqtar • Búgin, 15:33

Joǵalǵan bala 12 saǵatta tabyldy

Aımaqtar • Búgin, 14:38

Karantınniń kezinde kókpar tartqan

Aımaqtar • Búgin, 12:30

Bos jatqan 665 myń gektar jer anyqtaldy

Aımaqtar • Búgin, 12:10

Dollardyń baǵasy kún sanap ósip keledi

Ekonomıka • Búgin, 11:30

Uqsas jańalyqtar