Aksııa kezinde árbir ákim, basshy óziniń ashyqtyǵy men jeke jaýapkershiligin kórsete otyryp, ujymdaǵy sybaılas jemqorlyq faktilerine jol bermeý jónindegi sharalaryn BAQ-ta keńinen jarııa etýi tıis.
Memleket basshysy aıtqandaı, Sybaılas jemqorlyqqa qarsy is-qımyl boıynsha jumys júrgizbeıtin basshylar anyqtalady. Aksııa 9 jeltoqsanǵa deıin jalǵasady jáne Halyqaralyq sybaılas jemqorlyqqa qarsy kúres kúnine oraı qorytyndylanyp, eń adal basshylar atap ótiledi.
Respýblıkalyq jobalyq keńseniń basshysy aksııa aıasynda, birinshiden, oblystar men Respýblıkalyq mańyzy bar qalalardyń ákimderi, ortalyq memlekettik organdardyń basshylary óz qyzmetiniń ashyqtyǵyn kórsete otyryp, jalaqylary týraly aqparatty jarııalaıdy jáne jobalyq keńsege ózderiniń memlekettik organdarynda sybaılas jemqorlyq faktileriniń aldyn alý sharalary týraly aqparatty jáne óz usynystaryn jiberedi dep habarlady.
"Osyny basshylyqqa alyp, barlyq óńirlerde mundaı jumysty oblys ákimderiniń orynbasarlary men memlekettik organdardyń basshylary júrgizýge tıis. Ekinshiden, jergilikti BAQ turǵyndardyń ákimdik qyzmetine qatysty saýalnamasy boıynsha qoldaý kórsetip, telearnalarda sıýjetter kórsetkenin qalaımyz", dedi S.Sábıtov.
Soltústik Qazaqstan oblysy
