Qarjy • 29 Qyrkúıek, 2020

«Tengri Bank» AQ salymshylaryna ótem tóleıdi

17 ret kórsetildi

Qazaqstannyń depozıtterge kepildik berý qory agent bank retinde «Eýrazııalyq bank» AQ-ny tańdady. Qordyń qarajaty esebinen kepildik berilgen ótemdi «Tengri Bank» AQ salymshylaryna osy bank tóleıtin bolady.

«Tengri Bank» AQ depozıt­terinde, aǵymdaǵy shottarynda jáne kartochkalarynda aqshalary bar jeke tulǵalar men dara kásipkerler ótem alýǵa ótinish bere alady.

Kepildik berilgen ótem tóleýge ótinishter qabyldaý 2020 jyldyń 30 qyrkúıeginen bas­talady. «Eýrazııalyq bank» AQ bólimsheleri eldegi epı­­de­mııalyq jaǵdaıdy eske­re otyryp, kezek kútýdi azaı­tý maqsatynda «Tengri Bank» AQ salymshylaryna taıaýdaǵy demalys kúnderi – 3 jáne 4 qazanda qosymsha qyz­met kórsetetin bolady. QDKBQ salymshylarǵa agent banktiń bólimshelerine bar­maı turyp, onyń saıty ar­qy­ly bólimshelerdiń qan­sha­­lyqty jumysbasty eken­di­gin qadaǵalaýǵa keńes bere­di. Agent bank sondaı-aq ótinish­ter­­di qashyqtan berý jáne ótem somalaryn onlaın tekserý bo­ıynsha opsııalardy qaras­ty­rady. Bul týraly tolyq aq­paratty «Eýrazııalyq bank» AQ saıtynan alýǵa múmkin­dik bar.

Agent bank arqyly kepil­dik berilgen ótem tóleý sharasy 12 aı boıy – 2021 jyl­dyń 30 qyrkúıegine deıin júzege asyrylady. Qor belgilengen merzimniń aıaqtalýyna qa­raı agent bankpen aradaǵy kelisimniń qoldanylý merzimin uzartýy múmkin. Agent bank arqyly belgilengen ótem tó­leý merzimi aıaqtalǵan soń, «Tengri Bank» AQ salymshylary tólem alý jóninde tikeleı QDKBQ-ǵa ótinish bere alady. Eske sala ketelik, QDKBQ ke­pil­dik berilgen ótemdi depo­­zıttegi qaldyq soma she­ginde, bank lısenzııasy­nan aıy­rylǵan kúnge qaraı eseptelgen syıaqyny eskere otyryp tó­leıdi. Máselen, ulttyq valıý­tadaǵy jınaq depozıtter boıynsha – 15 mln teńgeden, ulttyq valıýtadaǵy basqa depozıtter boıynsha – 10 mln teńgeden jáne shetel valıý­tasyndaǵy depozıtter bo­ıynsha – valıýta balamasynda 5 mln teńgeden aspaıdy («Tengri Bank»AQ lısenzııasynan aıyrylǵan kúni belgilengen valıýta aıyrbastaý baǵamy boıynsha).

«Tengri Bank» AQ salym­shy­synyń bankte túri men valıýtasy boıynsha eki jáne odan da kóp kepildendirilgen depozıtteri bar bolsa, agent bank bul boıynsha 15 mln teńgeden aspaıtyn kólemde kepildik berilgen jıyntyq ótem tóleıdi. Bul rette shetel valıýtasyndaǵy depozıttiń 5 mln teńgeden aspaıtyn kepildendirilgen qaldyǵy boıynsha shekteý eskeriledi.

Kepildik berilgen ótemdi alý úshin «Tengri Bank» AQ salymshylary Eýrazııalyq banktiń kez kelgen fılıaly nemese bólimshesine baryp, tólem alýǵa ótinish toltyrýy qajet. О́tinish blankisin tike­leı agent bankten alýǵa nemese QDKBQ saıtynan elektrondy nusqasyn júktep alyp, aldyn ala toltyrýǵa bolady.

Agent banktiń barlyq qala­lardaǵy fılıaldary men bólim­sheleriniń mekenjaıla­ry jáne jumys tártibi týra­ly aqparat www.eubank.kz resmı saıtynda jáne bank­tiń anyqtama qyzmetinde qoljetimdi (+7 (727) 332 77 22, +7 (771) 000 7722, +7 (700) 000 7722, +7 (702) 010 7722).

Salymshy agent bankke jeke basyn kýálandyratyn qujatpen barýy qajet. Eger salymshynyń ornyna basqa tulǵa ótinish beretin bolsa, quqyq belgileýshi qujattardy da usyný qajet (mysaly, muragerlik quqyǵy týraly kýálik nemese senimhat).

Salymshynyń tegi, aty nemese ákesiniń aty ózgergendigi agent bankte neke qııý týraly kýálikpen nemese Azamattyq hal aktilerin jazý (AHAJ) organy beretin tegin, atyn jáne ákesiniń atyn ózgertý týraly kýálikpen rastalady.

Jekelegen jaǵdaıda agent bank málimdelgen talaptar­dyń negizdiligin rastaıtyn qosym­sha qujattar suratýǵa quqyly. Kepildik berilgen ótem salymshy qujattary agent bankke kelip túsken kúnnen bastap 5 jumys kúni ishinde tólenedi.

Aıta ketelik, salymshylar óz erikterimen kepildik beril­gen ótemdi ózderine yńǵaı­ly tásilmen: agent banktiń kassasynan qolma-qol aqshamen, sol agent bankte bank shotyn ashý nemese kez kelgen basqa bankke aýdarý arqyly ala alady.

Kepildik berilgen somadan artyq qalǵan aqshasy bar salymshylar, ony alý úshin bankti eriksiz taratý týraly sot sheshimi kúshine engen soń, «Tengri Bank» AQ taratý komıssııasyna ótinish berýge quqyly. 

Depozıtter boıynsha kepil­dikter jáne tólemderdi jú­ze­ge asyrý týraly jalpy aq­­parattar Qordyń www.kdif.kz saıtynda qoljetimdi. Salym­shylar aqyl-keńes alý úshin 1460 telefon nómiri, QDKBQ saıtyndaǵy chat, @kdif_ask telegram-chaty, qordyń Facebook jáne Instagram jelilerindegi deposit.kz resmı paraqshalary, sondaı-aq info@kdif.kz elektrondy poshtasyna jazý ar­qyly ótinish bildire alady.

 

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar