Eńbek jáne halyqty áleýmettik qorǵaý mınıstriniń tıisti buıryǵy osy jyldyń 25 qyrkúıeginde qabyldandy jáne resmı jarııalanǵan kúnnen bastap kúshine enedi.
Bul shara aýyldyq ákimdikterde jáne jumyspen qamtý ortalyqtarynda adamdardyń jappaı jınalýynyń aldyn alady, osylaısha azamattardyń koronavırýs ınfeksııasyn juqtyrý qaýpin azaıtady.
Birinshi ret júgingen kezde jumyspen qamtý ortalyqtarynyń qyzmetkerleri memlekettik organdardyń aqparattyq bazalarynda qajetti derekterdi tekseredi. Sonymen birge ýchaskelik komıssııalar AÁK taǵaıyndaýǵa ótinish berýshilerge messendjerler arqyly saýaldama júrgizedi, baryp tekseris ótkizbeıdi. AÁK ótinimderin jańartý kezinde kiristerdiń belgili bir túrleri eskerilmeıdi.
Buǵan deıin AÁK alýshylaryna tótenshe jaǵdaı men shekteý sharalarynyń sebebinen II jáne III toqsandarda kómek taǵaıyndaý uzartylǵan bolatyn.
AÁK jan basyna shaqqandaǵy ortasha tabysy otbasynyń árbir múshesi úshin aımaqtyq eń tómengi kúnkóris deńgeıiniń 70%-ynan tómen azamattarǵa taǵaıyndalatynyn eske salamyz.
Qazaqstanda az qamtylǵan azamattar qatarynda barlyǵy 760 myńnan astam AÁK alýshy bar.
