Aımaqtar • 29 Qyrkúıek, 2020

Aýyldastaryna kómektesken azamattar

17 ret kórsetildi

Shalǵaıdaǵy Aqjar aýylyndaǵy mektepke bıylǵy jazda «Jumyspen qamtý jol kartasy» baǵdarlamasy aıasynda terezeler men esikterdi aýystyrý boıynsha kúrdeli jóńdeý jumystary júrgizildi. Bul isti qolǵa alǵan merdiger «Turboservis_pvl» JShS jumysshylary mektepishilik dárethanalar ornatty. Sondaı-aq beınebaqylaýlar ornatylyp, qazir mektep jaryq, jyly, qaýipsiz jaǵdaıda.

 

Mektep dırektory Olım­pıada Áýbákirovanyń aıtýynsha, qazir mektepte 107 oqý­shy bilim alýda, mektep janyn­daǵy shaǵyn ortalyqta 35 bala tárbıelenýde. Oqýshylardyń deni – elge oralǵan qandas­tardyń ul-qyzdary. Aýyl balalaryna «Online Mektep» platformasy arqyly bilim alýǵa jaǵdaı jasalǵan. Buǵan qosa oqýshylar «Balapan», «Elarna» telearnalarynan da qosymsha bilim ala alady.

– Aýyldaǵy «Agro-Damý» JShS mal dárigeri Baýyrjan Talǵatuly demeýshilik kómek jasap Tursynbek Serikbaev, Havı Jaılaýhan, Ydyrysh Ermurat, Ázanbaı Oronbasar, Ábilǵajy Shalahan, Dýbek Erjan, Qınaıat Nursáýleler tu­ra­tyn oqýshylardyń úı­lerine habar taratatyn «Otaý» TV tabaqshalaryna qajetti qondyrǵylar ornatyp berdi, – deıdi mektep dırektory.

Sóıtip endi shalǵaı aýylda turatyn mektep oqýshylary­nyń jańa oqý jylynda óz bilim­derin tolyqtyryp, sapaly bilim ala almaq. Oqýshy­lar «Elarna», «Balapan» telearnalary ar­qyly ótki­ziletin qosymsha sabaqtarǵa esh kedergisiz qatysýda.

Sonymen qatar aýylda ós­­ken jigit, qazir Kýrchatov qa­la­syndaǵy №3514 áskerı bó­li­minde kelisimshart boıyn­sha qyzmet atqaratyn sarbaz Dastan Jamantaev Erjan Dına, Oronbasar Janerke, Erasyl Kúlimbaev, Oronbasar Ersul­tan, Erjan Úkiláı, Jaı­laý­hanuly Madııar, Ermurat Edil, Áıkerim Jaılaýhanqyzy, Seıilǵazy Aıttumar, Mármár, Ermurat Serpin sııaqty 11 oqý­shyǵa demeýshilik kórsetip, mektepke qajetti keńse taýarlaryn alyp beripti.

Aýyldyqtar, mektep ujy­my janashyr demýshilerge jańa oqý jylynyń daıyndyq barysyna úles qosqandary úshin mal dárigeri Baýyrjan Talǵatuly men sarbaz Dastan Jamantaevqa alǵys bildiredi.

 Indet taraǵan kezinde aýyl­dyń, ózderi biletin aýyldaǵy otbasylardyń muqtajdyǵyn sezinip, qoldaǵy baryn bólisip, balalardy qýantqandary ózge­lerge úlgi bolarlyqtaı.

 

Pavlodar oblysy,

Maı aýdany,

Aqjar aýyly

Sońǵy jańalyqtar

Taraz qalasynda nan qymbattaǵan

Aımaqtar • Búgin, 19:15

Dollardyń erteńgi baǵamy qandaı bolmaq?

Ekonomıka • Búgin, 18:25

Almatydaǵy avtoservıs otqa orandy

Aımaqtar • Búgin, 15:33

Joǵalǵan bala 12 saǵatta tabyldy

Aımaqtar • Búgin, 14:38

Karantınniń kezinde kókpar tartqan

Aımaqtar • Búgin, 12:30

Bos jatqan 665 myń gektar jer anyqtaldy

Aımaqtar • Búgin, 12:10

Dollardyń baǵasy kún sanap ósip keledi

Ekonomıka • Búgin, 11:30

Uqsas jańalyqtar