Suhbat • 29 Qyrkúıek, 2020

Shekteýli múmkindiktiń sheksiz álemi

9 ret kórsetildi

Volonterlik tek muqtaj jan­darǵa kómek kórsetý emes, bul – ómir salty, úlken mádenıet. Ádette ár eriktiniń osy jolǵa kelýiniń óz tarıhy, hıkaıasy bar. Búginde «О́mir lımon berse, lımonad jasap al» degen pálsapa jıi aıtylady. Taǵdyrdyń ja­zyl­ǵanyna kónip, qarap qalmaı, ózi ómir súrip jatqan qoǵamdy jaqsartýǵa tyrysyp júrgen adamdardy kórgende bolashaqqa úmitpen qaraısyń. Búgingi keıip­kerimiz Gúlden О́tebalıeva joldasymen birge sport mektebin ashyp, Atyraý oblysy Mahambet aýdanyndaǵy múmkindigi shekteý­li adamdardyń sportpen aınalysýyna jaǵdaı jasap júr. Gúlden sporttyń múmkindigi shekteýli jandar úshin mańyzy men sportqa qushtarlyqtyń adam ómirine áseri týraly áńgimelep berdi.

– Gúlden, bylaı qarasańyz, bir sport klýby túgel bir aýdan­ǵa qyzmet etip otyr. Es­týi­mizshe, sabaqtaryńyz da tegin. Bul joba qalaı bastaldy? 

– Negizi áýelden sport mekte­bin ashsaq degen armanymyz bar edi. Kúıeýim Muhadııa Qýangereev – II toptaǵy múgedek. 2006 jyly ınsýlt alyp, sol qol, sol aıaǵyna zaqym keldi. Sodan keıin ózi sııaqty taǵdyrlas jandardy izdep, aralasa bastady. Atyraý oblysynda múmkindigi shekteýli jandarǵa arnalǵan sporttyq seksııalar izdep, «Múgedekter» sport klýbyn tapty. Aıaq-qoly joq azamattardyń sportpen aınalysyp júrgenin kórip, ózi de sportpen aınalysýdy maqsat etti. 2007 jyly atalǵan sport klýbyna jumysqa ornalasyp, Mahambet aýdany boıynsha toǵyzqumalaqtan ádisker bolyp qyzmet ete bastady.  Men 2006 jyldan beri osy aýdanda jumys isteımin, talaı shákirt tárbıelegen ustazbyn. 2008 jyly otbasyn qurdyq. Armanymyz shyndyqqa aınalyp, 2018 jyly «Erjúrekter» qoǵamdyq qoryn quryp, sport mektebiniń  jumysyn bastadyq. Eki jyldyń ishinde biraz jetistikke jettik.

– Sport mektebinde qandaı seksııalar bar?

– Qazirgi tańda toǵyz­qumalaq, doıby, shahmat, jeńil atletıka, ústel tennısi seksııalary jumys isteıdi. Barlyq sabaq tegin. Qaty­sýshylarymyz múgedektigin rastaıtyn anyqtama alyp kelýi kerek. Olardy daıar­lap, aýdandyq, oblystyq, respýblıkalyq ja­rys­tar­ǵa qatystyramyz. Sport sheberligin qorǵaǵan shákirt­terimiz de biraz. Kópten ozyp shyqqan júırikterdiń jarys­tarǵa ketetin shyǵynyn kóterýge oblys  ákimdigi atsalysady. 

О́zimiz turyp jatqan aýdan­men shektelip qalmaı, qasy­myzdaǵy eldi mekendegi azamat­tarǵa da múmkindik bereıik degen oımen basqa aýyldardaǵy balalarǵa da mektep ashqymyz kelip Brıtan keńesi men Chevron energetıkalyq kompanııasy uıymdastyrǵan konkýrsqa qatysyp, áleýmettik startup jobasyn júzege asyrýǵa 3 myń AQSh dollary kóleminde grant jeńip aldyq. Búginde alys-jaqyn aýyldardaǵy múmkindigi shekteýli jandardyń sport mektebine kelip-ketýine jaǵdaı jasap otyrmyz.

– Sport mektebine kez kelgen adam kelip, jattyǵa ala ma?

– Iá, sportpen aınalysamyn degen yntasy bar kez kelgen aýyl turǵynyna esigimiz ashyq. Biz tek sportqa baýlyp qana qoımaı, olardyń áleýmettenýine de múmkindik jasaımyz. Jumysqa ornalastyrýǵa, oqýǵa túsirýge tyrysamyz. Múmkindigi shekteýli jandar kóbine qoǵamnan qol úzip qalady, kópshilik jınalǵan jerge barýdan tartynady. Máselen, Mahambet aýdanynyń Jalǵansaı aýylynda bir zamandasymyz 14 jyl boıy úıinen shyqpaı, qoǵamdyq ómirden qol úzip qalǵan eken. Bizdiń sport mektebimizge kelip, adamdarmen aralasa bas­tady. Toǵyzqumalaqtan túrli chempıonatqa qatysyp, sport sheberligine úmitker ataǵyn al­dy. Oqýǵa tústi, búginde aýdarmashy bolyp jumys isteıdi. Qazan aıynda Aqtaý qalasynda ótetin tirek-qımyl apparaty za­qym­danǵan jandar arasyndaǵy chempıonatqa joldama alyp otyr.

– Iаǵnı mektebińiz arqyly múmkindigi shekteýli jandarǵa jańa múmkindikter ashýdy maqsat ettińiz?

– Múmkindigi shekteýli jan­darǵa qoǵammen baılanys ma­ńyzdy. Sport – densaýlyq kepili, biraq sport adamdardy da ózara  baılanystyrady. Mysaly, biz osy sporttyń arqa­­synda otbasyly boldyq. Aýdan­nyń qoǵamdyq ómirine de aralasqymyz keledi. Byltyr aýdandyq jumyspen qamtý bó­liminen memlekettik tapsyrys alyp, 160 múmkindigi shekteýli balaǵa merekelik er­teńgilik ótkizdik.

– Sport úlken ómirge joldama beredi deısiz ǵoı?

– Mektebimizde tárbıelengen, ózin jaqsy qyrynan kórsete alǵan shákirtterimiz jattyqtyrýshylar qataryn tolyqtyrady. Iаǵnı olar túrli jarystarǵa qatysyp, ysylyp, belgili deńgeılerden ótkennen keıin jumysqa ornalasady. Mysaly, mektebimizge 7 jyl buryn kelgen shákirtimiz Aına Baısanbaeva osy ýaqytqa deıin túrli respýblıkalyq ja­rys­tyń jeńimpazy atanyp, toǵyzqumalaqtan sport sheber­ligine úmitker atandy. Jaqynda ony Esbol aýylyna bapker retinde jumysqa ornalastyrdyq. Mundaı mysaldar az emes.

Jalpy, múmkindigi shekteý­li jandardyń sportpen aınaly­sýyna kóńil bólinse degen tilek bar. Úlken kompanııalar da qol­daý bildirse nur ústine nur bolar edi. Máselen, joldasymnyń sportqa kelýine sebepshi bolǵan Atyraý oblystyq «Múgedekter» sport klýby múmkindigi shekteýli jandarǵa arnalǵan respýblıka boıynsha ashylǵan alǵashqy mektep. Onyń negizin qalaýshy Saraıshyq aýylynyń týmasy Baýyrjan Taqaýov aǵamyz búginde voleıboldy otyryp oınaý federasııasynyń prezıdenti. Sport – ómir sapasyn arttyrýǵa, adamdardyń kóńil kúıin kóte­rýge qajet birden-bir qural. Son­dyqtan sport volonterligi de nazarǵa alatyn dúnıe.

 

Áńgimelesken

Svetlana ǴALYMJANQYZY,

«Egemen Qazaqstan»

 

Sońǵy jańalyqtar

Almatyda birqatar ǵımarat jylýsyz qaldy

Aımaqtar • Búgin, 18:03

Almatyda jer silkindi

Qazaqstan • Búgin, 16:48

Bıyl Qazaqstanda qys qandaı bolady?

Aýa raıy • Búgin, 16:37

Medeý men Shymbulaq qashan ashylady?

Aımaqtar • Búgin, 15:58

Elengen erlik

Aımaqtar • Búgin, 13:22

Qarashada kún sýytady

Aýa raıy • Búgin, 11:59

Shyǵys Qazaqstanda qus tumaýy tirkeldi

Aımaqtar • Búgin, 11:36

Dollardyń búgingi baǵamy belgili boldy

Ekonomıka • Búgin, 11:22

Uqsas jańalyqtar