Tehnologııa • 29 Qyrkúıek, 2020

Balshyq sorǵysh kemeni sýǵa túsirdi

7 ret kórsetildi

ERG (Eýrazııalyq Top) qura­myndaǵy «Eýroazıattyq ener­getıkalyq korporasııasy» AQ Aqsý elektr stansasy ózen arnasyn tereńdetý jumystaryn atqaratyn 1600-45 jobasy S480D dızeldi jańa balshyq sorǵysh kemeni Ertis ózeninde sýǵa túsirdi. Balshyq sorǵysh keme Reseıdegi Sımlıan kemejasaýshy zaýytynan 5 jyl­ǵa lızıngke alynǵan.

Balshyq sorǵysh keme «EEK» AQ elektr stansasynyń energoblok­tarynyń kondensatorlaryndaǵy sýdy sýytatyn №1, №2 jetelegish arnasynda jumys atqarmaq. Satyp alynǵan tehnıka stansa ıgiligine ǵana emes, sonymen qatar ekologııaǵa oń áserin tıgizedi. О́ıtkeni bal­shyq sorǵysh keme Ertis ózeni arna­syndaǵy tunba men laıdy tazalaıdy.

Aıta keterligi, bul úderis jyl saıyn júrgizilip otyrady. Alaıda eski balshyq sorǵysh keme arnanyń jaǵa tusyn ǵana tazalaı alatyn. Endi arnany tolyqtaı tazalaýǵa múmkindik bar.

– Bul balshyq sorǵysh kemeni satyp alý jáne paıdalaný Aqsý elektr stansasynyń energobloktaryn sýmen qamtamasyz etýdegi táýekelderdi joıyp, Eýrazııalyq top quramyndaǵy kásiporyndardy elektr energııa­symen úzdiksiz qamtýǵa jaǵdaı týǵy­zady. Sonymen birge Aqsý ken­tiniń turǵyndaryn aýyz sýmen qamtý senimdiligin arttyrýǵa sep, – dedi «EEK» AQ Aqsý elektr stansasynyń bas ınjeneri Vadım Vereshaka.

Tartyp shyǵarylatyn gıdro­qos­palar men qoıyrtpaq sýdy bú­rkeıtin arnaıy belgilengen ýchas­kelerge qoıylyp, sorǵytylady. Balshyq sorǵysh keme – sý astynan gıdroqospa túrindegi topy­raqty soryp alatyn jáne shaıý kar­tasy nemese úıindige tasymal­daıtyn tehnıkalyq flot kemesi. Gıdroqopsytqyshy men mehanı­kalyq qopsytqyshy bar. Negizgi agregat ónimdiligi – qumdy qıyr­shyqtasty qospa boıynsha saǵatyna 80-nen 800 tekshe metrge deıin je­tetin topyraqty sorǵy.

 

 

 

Sońǵy jańalyqtar

Atyraýda 9 balany ıt talady

Aımaqtar • Keshe

Uqsas jańalyqtar