Rýhanııat • 29 Qyrkúıek, 2020

Alty aqynnyń alǵysy

27 ret kórsetildi

Aqmoladaǵy at tóbelindeı qalamgerler qaýymy úshin aq túıeniń qarny jarylǵan kún boldy. Oblys ákimi Ermek Marjyqpaevtyń qoldaýymen «Kókshetaý qalamgerleri» serııasy boıynsha alty aqynnyń jınaqtary basylyp shyǵyp, tusaýkeseri ótkizildi.

«Qysqa jip kúrmeýge kelmeı turǵan shaqta», jazǵanym qashan jaryq kóredi dep alań­dap júrgen aqyndardy qol­daý ónegeli is. Bul joly bel­gili aqyn Qaıyrbaı Tóre­ǵo­janyń «Kókjıek», Erbolat Baıat­uly­nyń «Ýaqyt sheńberi», Almas Temirbaıdyń «Jekebatyr», Ul­meken Tynyshtyqqyzynyń «Men kútken kóktem», Abylaı Máýlenniń «Labırınt», Ta­bysbek Úsenniń «Bozjýsan» jı­naqtary jyrsúıer oqyrmanǵa jol tartty.

Saltanatty rásimde oblys ákiminiń orynbasary Aına My­syrálimova sóz sóılep, ult­tyq ádebıetke jasalyp otyrǵan qamqorlyqtyń aldaǵy ýaqytta da jalǵasyn tabatyndyǵyna toqtaldy. Jazýshy-dramatýrg, qoǵam qaıratkeri Jabal Er­ǵa­lıev jańa kitaptardyń tu­saýyn kesip, quttyqtaý sóz sóı­­­ledi.

– Memleket basshysy Qa­­sym-Jomart Toqaevtyń «Jańa jaǵ­daıdaǵy Qazaqstan: is-qımyl kezeńi» Joldaýynda «qazaq zııa­lylarynyń jańa kezeń­degi mindeti – ult bolmysynyń ja­­ńa qaǵıdattaryn ornyq­ty­­­rý, sondaı-aq ult sapasyn arttyrýǵa at salysý» dep atap kórsetilgen, – dedi Ja­bal Er­ǵalıev, – adam janyn sáýle­len­diretin ádebıet. Ádebıetke qam­qorlyq – bolashaqqa jasalyp otyrǵan janashyrlyq dep uǵýymyz kerek. Jaqsy jyrǵa sýsap otyrǵan jalpaq jurtqa tartý etilgen tamasha olja boldy bul!

О́leń oty alaýlaǵan jıyn barysynda Janaıdar Mýsın atyndaǵy joǵary qazaq peda­gogıkalyq kolledjiniń dırek­tory Nurtas Ahat, Málik Ǵab­dýllın murajaıynyń dırektory Qudaıberli Myrzabek, bel­gili ólketanýshy Murat qa­jy Ydyrysov aq tilekterin bil­dirdi. Jınaqtary jaryq kór­gen alty aqyn qol ushyn bergen oblys basshylyǵyna, kitaptardyń túrli-tústi, sapaly basylyp shy­ǵýyna janashyrlyq jasaǵan qos aqyn Qýanysh Ospan men Mergen Toqsanbaıǵa alǵys­ta­ryn bildirdi. 

 

Kókshetaý qalasy

 

Sońǵy jańalyqtar

Atyraýda 9 balany ıt talady

Aımaqtar • Keshe

Uqsas jańalyqtar