Saıasat • 29 Qyrkúıek, 2020

Ashyqtyq – qoǵam damýynyń kepili

18 ret kórsetildi

Qazir Petropavlda polısııa jumysynyń da ashyqtyǵy qamtamasyz etilýde. Azamattardyń quqy men bostandyǵyn qylmystyq qol suǵýshylyqtan qorǵaý, adamdardyń qaýipsiz, jaıly ómir súrýine jaǵdaı jasaý sııaqty maqsattar polısııa qyzmetkerleriniń jumysyn jetildirýge engizilip jatqan zamanaýı tásilderdiń negizin qalaıdy.

«Sonyń biri – polısııa men tur­ǵyn­dar arasyndaǵy ashyq dıa­logqa septigin tıgizetin beı­ne­baqylaý júıesin keńeıtý bolyp otyr. Memleket basshysy Qasym-Jomart Toqaev óziniń Qazaqstan hal­qyna Jol­da­ýynda kúsh qury­lym­dary­nyń bólinisterinde osyndaı resýrstardy keńeıtýge basa nazar aýdardy. Búginde sıfrlandyrý mindeti – bizdiń vedomstvonyń basymdy baǵyttarynyń biri», – deıdi Soltústik Qazaqstan oblysy Polısııa departamentiniń bastyǵy, polısııa polkovnıgi Marat Tólebaev.

Qazir Petropavldaǵy bar­lyq 13 ýchaskelik polısııa pýnktine kameralar ornatylǵan, olardyń kómegimen osy bó­lim­­shelerdegi jaǵdaıdy Je­del basqarý orta­ly­ǵynan ba­qy­laýǵa bolady. Sondaı-aq vıdeo­ny qalalyq polısııa bas­shylyǵy da kóre alady. Polı­sııa bólinisteriniń barlyq ákim­shilik ǵımarattarynda kameralar ornatylǵan. Barlyq 14 patrýldik avtokólikke orna­tyl­ǵan stasıonarlyq beıne­ba­qy­laý júıesi de polısııanyń ashyq­ty­ǵy­na yqpal etedi. Kóp uza­maı bar­lyq avto­pat­rýl­der­de ma­shı­n­a­nyń ishin­degi sóı­le­sý­lerdi jazatyn quryl­ǵy­lardy ornatý jos­parlanyp otyr.

Jyl basynan beri kóshelerde, qıylystarda jáne alańdarda ornatylǵan Petropavl qalasy PB Jedel basqarý ortalyǵynyń beınekameralaryn paıdalaný arqyly 12 myńǵa jýyq ákim­shilik quqyq buzýshylyq jáne qyl­mystyq quqyq buzý­shy­lyq­tardy ashýǵa yqpal etetin 122 fakt anyqtaldy. Aýlalar men kire­beristerdegi kameralar  po­lısııaǵa taptyrmas kómekshi qu­­ral bolyp otyr. Petropavlda olar­­dyń sany 2 myńnan asady. Bul tehnıkalyq quraldar tek zań buzýshylyqtardy anyqtaýǵa ǵana emes, sonymen birge turǵyndardy tártipke shaqyrýǵa da septigin tıgizýde.

Sondaı-aq búginde bilim berý nysandaryn Jedel basqarý ortalyǵyna qosý jumystary júr­gi­zilýde. Qazirgi ýaqytta Petro­pavl qalasy PB JBO-ǵa 25 bilim berý obektisiniń beıne­baqylaý kameralary qosyl­ǵan. Jyl sońyna deıin qala­daǵy barlyq mektepterdi Jedel basqarý ortalyǵyna qosý josparlanyp otyr.

Ashyq qoǵam tártip saqtaýdy da, adamdardyń quqy men bostan­dy­ǵynyń aıaqqa basylmaýyn qam­ta­masyz etýde de eń ozyq qural eken­digin sıfrlandyrý júıesi de kór­setip otyr. Bári de ashyq, jarııa­ly, alaqandaǵydaı bolǵanda qoǵam damýynyń kedergileri de joıylatyny sózsiz.

 

PETROPAVL 

 

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar