Bilim • 29 Qyrkúıek, 2020

Aımaq mektepteri abattandyryldy

17 ret kórsetildi

Prezıdenttiń tapsyrmasy boıynsha aýyl mektepterin abattandyrý jumys­ta­ry júrgizildi. Shyǵys Qazaqstan oblysy Memleket basshysy Qasym-Jomart Toqaevtyń tapsyrmasyn oryndap, jańa oqý jylyn oıdaǵydaı bastady. Prezıdenttiń usynysy boıynsha oblystaǵy 200-den astam aýyl mektebinde oqýshylardyń bilim alýy úshin jaǵdaı tolyq jasalyp otyr.

Atap aıtqanda, shalǵaıda jatqan 52 eldi mekende ınternet jelisi tolyǵymen iske qosyldy. Tarbaǵataı aýdanynyń Aqjar aýylyndaǵy mektepke kópten beri qolǵa alynbaǵan jóndeý jumystary júrgizildi. Jumys nátıjesin oblys ákimi Danıal Ahmetov arnaıy baryp tekserip qaıtty. Aqjar aýylynda 300 oryndyq mektep-ınternaty bar 600 oryndyq mektep ashyldy. Munda oblystyń barlyq aýdandary men qalalarynan kópbalaly jáne az qamtylǵan otbasylardyń balalary kelip oqı alady.

Sondaı-aq jańa oqý jylyndaǵy epıdemııalyq qıyndyqtarǵa qaramastan, Aqjar aýylyndaǵy mektep shtattyq rejimde jumys isteýge kóshti. Munda bastaýysh synyp oqýshylary bilim alýda. Barlyq sanıtarlyq talaptar qatań saqtalǵan.

– Atalǵan oqý ornyn jóndeý jumys­ta­ryna 260 mln teńge bólindi. Nátı­je­sinde barlyq kabınet qaı­ta qal­pyna keltirilip, terezeler men kommýnıkasııalyq jeliler aýystyryldy. Alǵash ret bul mektepte arnaıy toraptar, jańartylǵan jylý jelileri paıda boldy, – dedi oblys ákimi Danıal Ahmetov.

Aımaq basshysy qurylysshylardan mekteptiń qys mezgilinde qanshalyqty jyly bolatynyn surady. Jumys­shy­lar­dyń aıtýynsha, jylytýdan qıyndyq bolmaýy tıis.

1

Jańa oqý jylyna oraı oblysta 386 mektep zamanaýı standart boıynsha jóndelse, onyń 40-y kúrdeli jóndeýden ótti. Sondaı-aq oqý jylynan bastap 3 jańa memlekettik bilim ordasy ashyldy. Nazarbaev zııatkerlik mektepteriniń standarttary boıynsha jabdyqtalǵan 300 oryndyq mektep Qaraýyl aýylynda esigin aıqara ashsa, Ahmırov aýylynda 1000 oryndyq mektep iske qosyldy. Jańa mektepterden basqa, О́skemen qalasynda memleket-jekemenshik seriktestik aıasynda 915 oryndyq 5 balabaqsha ashyldy.

Oblystyń aqparattyq ortalyǵynda ótken tikeleı efır barysynda bilim basqarmasynyń basshysy Saırangúl Jumadilova málim etkendeı, oqýshylar úshin kún saıyn «Balapan» jáne «Elarna» telearnalary arqyly sabaqtar uıymdastyrylýda. Telesabaqtardyń ótetin ýaqyty bilim basqarmasynyń áleýmettik jelilerinen naqty berilip jatyr.

– 648 mekteptiń 271-i balalardy qashyqtan oqytýda. Olar sıfrly bilim berý platformalarymen qamtamasyz etilgen. 225 mektep Online mektep.kz platformasyna qosyldy. 42 mektep Daryn.online.kz platformasynda, 2 mamandandyrylǵan mektep Edupage.kz júıesin qoldanýda. Jalpy, platformalarmen jumys isteý barysynda eshqandaı qıyndyqtar týyndaǵan joq, – dedi S.Jumadilova.

Oblystyq bilim basqarmasy bas­shysynyń aıtýynsha, oqýshylardy kompıý­terlermen qamtamasyz etý ju­mys­­tary jalǵasýda.

Shynyn aıtý kerek, oblysta 22 476 balanyń úıinde kompıýterlik tehnıka tapshy. Onyń ishinde qashyqtan bilim alyp jatqan 16 904 oqýshy ǵana mektep kompıýterlerimen qamtamasyz etilgen. Qalǵan 5 712 bala shtattyq rejimde bilim alýda. Tikeleı efır barysynda basqarma basshysy aýdandyq jáne qalalyq bilim bólimderiniń qarjylandyrýy arqyly 2 572 birlik kompıýterlik tehnıka satyp alynǵanyn atap ótti. Sondaı-aq Úkimettiń qorynan bólingen qarajat esebinen 26 509 kompıýter alyndy. Oǵan 4,1 mlrd teńge bólingen.

– Memlekettik satyp alýdy ádil uıymdastyrý jáne kompıýterlik tehnı­kalardy bólý maqsatynda «Adaldyq alańy» jobalyq keńsesi tóra­ǵa­sy­nyń jetekshiligimen, Nur Otan partııasynyń ókilderi, oblystyq más­lı­hattyń hatshysy, qoǵam ókilderi, jumyspen qamtý jáne áleýmettik qorǵaý basqarmalarynyń, balalardyń quqyqtaryn qorǵaý jónindegi jer­gi­lik­ti qoǵamdyq uıymdardyń, sondaı-aq qamqorshylyq keńesterdiń, ata-analar qoǵamdastyǵynyń, jastar uıym­darynyń jetekshilerinen jumys toby qurylyp, kompıýterlerdi tasymaldap, jetkizýshi kim bolý kerektigi anyqtaldy. Qazirgi tańda kompıýterlik tehnıkalardy jetkizý jumystaryn túgeldeı aıaqtadyq, – dedi S.Jumadilova.

Sonymen qatar jumys toby kompıýterlik tehnıkany bólý monı­to­rın­gin júzege asyrdy. Birinshi kezekte, halyqtyń áleýmettik álsiz toptaryn: az qamtylǵan, kópbalaly, erekshe bilim berilýine qajettilikteri bar balalardy, sondaı-aq oqý ozattary qamtamasyz etilmek. Shyǵys Qazaqstan oblysyndaǵy orta bilim berý uıymdary bıylǵy oqý jylynda jańa mazmundaǵy bilim berý júıesine tolyq kóshirilgenin de aıta ketken jón.

 Aımaq basshysy Danıal Ahmetovtiń sózine súıensek, bıyl jańartylǵan mazmunda bilim berý boıynsha 23 myń muǵalim bilimin jetildirip, 1,5 mln oqýlyq satyp alynǵan. Oqýshylar 100% oqýlyqpen qamtamasyz etilgen. Al bilim basqarmasynyń basshysy S.Jumadilovanyń aıtýynsha, bıyl 11-synyp oqýshylary jańa formatta bilim alyp jatyr. Atap aıtsaq, «Kásipkerlik negizderi jáne bıznes», «Grafıka jáne dızaın», «Alǵashqy áskerı-tehnıkalyq daıyndyq» pánderi oqytylýda. 9, 11-synyptar jańa formatta qorytyndy attestasııa tapsyrady. Jańa formattaǵy bilim berý júıesine sáıkes úshtildilikke de basa nazar aýdarylýda. Bıyl kóptildilik baǵdarlamasy boıynsha nemis jáne fransýz tilderin oqytý da engizilgen. Jańa baǵdarlamany júzege asyrý maqsatynda 1 myńnan asa muǵalim kýrs­­­­tan ótti. Nátıjesinde pedagogterdiń til meńgerý ádistemesiniń deńgeıi 80-nen 89%-ǵa artyp, qatysýshylardyń til bilýiniń ortasha deńgeıi 35%-dy qurady. Byltyr bul kórsetkish 20% bolǵan eken. Aldaǵy ýaqytta eki jyldyń ishinde 2650 pedagogty qosymsha daıyndaý josparlanyp otyr.

 

Raýshan Nuǵmanbekova,

jýrnalıst

 

Shyǵys Qazaqstan oblysy

 

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar