Aımaqtar • 29 Qyrkúıek, 2020

Eski kompıýterler jańartylady

17 ret kórsetildi

Jyl basynda oblystyq bilim basqarmasynyń basshysy aımaq mektepteri áli de 13,5 myń kompıýterge muqtaj ekenin aıtqan. Sodan beri oblysta bul maqsatqa «Sıfrly Qazaqstan» memlekettik baǵdarlamasy aıasynda 1390,2 mln teńge bólinip, oqý oshaqtaryn qajet múlikpen tolyq qamtý sharalary júzege asyryla bastady.

Osydan eki apta buryn Qostanaıǵa qashyqtan oqyp jatqan oqýshylarǵa arnalǵan 1,5 myń kompıýter ákelinip, oblystyń birneshe aýdan, qala­lar­yndaǵy bilim mekemelerine jetkizilgen. Bastysy, qashyq­tan bilim alyp jatqan oqý­shy­lar qajet quraldan qy­sy­lyp qalmaýy kerek. Al ótken aptanyń aıaǵynda bilim basqarmasynyń mamandary kompıýter, noýtbýk, plan­sheti bar – 651 tehnıkalyq qurylǵyny Arqalyqqa jiber­di. Júk kólikke tıeler aldynda basqarma ókilderi men qoǵam belsendileri ár qurylǵyny muqııat tekserip shyqty.

– Búgin 1,5 myń kompıýter quralyn tekserip, qabyldap aldyq. Monıtorıng barysynda ár kompıýterdiń aqaýynyń bar-joǵy tekserilip, qosymsha bólshekteriniń túgel ekenine kóz jetkizdik, – dedi «Qostanaı – adaldyq alańy» jobalyq ofısiniń menedjeri Erkebulan Tilenbaev.

Qalǵan kompıýterler monı­­to­rıngtik top múshele­riniń qatysýymen Denısov, Qamysty, Qarasý, Meńdiqara, Uzynkól aýdandaryna jónel­tiledi. Bilim basqarmasy bas­shysynyń aıtýynsha, bıyl oblys mektepterine jalpy sany 15 myń kompıýter jetkizilýi tıis.

– Qashyqtan oqyp jatqan oqýshylarǵa arnalǵan 1,5 myń qurylǵy atalǵan aýdandardaǵy bilim mekemelerine kelisimshart bo­ıynsha 4 qazanǵa deıin jetkizilýi kerek. Qalǵan 13 638 kompıýter quralyn qazan aıynda taratyp beremiz. Iаǵnı, aldaǵy aıda oblystyń barlyq 20 óńirine 11 myń noýtbýk, 2 myń planshet jóneltiledi, – dedi bilim basqarmasynyń basshysy Záýre Baımenova.

Bul kompıýterler ár aýdan­ǵa sol jerdegi oqýshy­lardyń jáne aýystyrý­dy qajet etetin eski kompıý­ter­lerdiń sanyna qaraı úles­ti­ri­le­di. Basqarma basshysynyń sózinshe, jyl basynan beri oblys mektepteri oqýshylarǵa 12 myń kompıýter ustatqan. Qashyqtan oqytý aıaqtalǵan soń onyń bári mektep menshigine qaıtarylady. Bul maqsatqa Úkimet qorynan 2,4 mlrd teńge jumsalyp otyr.

– О́ńir mektepterinde muq­taj oqýshylarǵa kompıýter taratý jumystary áli de jalǵasyp jatyr. Quraly joq balalardyń ata-analary mektepke habarlasyp, ýaqytsha paıdalanatyn kompıýter alýyna bolady. Áli de kesh emes. Alaıda búginde oblystaǵy 493 mekteptiń 355-i shtattyq rejimde jumys istep jatqanyn atap ótý kerek. Sondyqtan mektepke de kompıýter qajet, –dedi basqarma basshysy.

Monıtorıng toby teksergen jańa kompıýterlerdiń birazynan aqaý tabylyp, qa­byl­daýdan ótpeı qaldy. Osylaısha jetkizýshi kompa­nııanyń birden 20 monıtordy qaıta aýystyryp berýine týra keldi.

 

Qostanaı oblysy

 

Sońǵy jańalyqtar

Atyraýda 9 balany ıt talady

Aımaqtar • Keshe

Uqsas jańalyqtar