Medısına • 29 Qyrkúıek, 2020

Emhanaǵa tirkelý joldary qandaı?

27 ret kórsetildi

Qyrkúıektiń 15-inde elimizde emhanaǵa tirkeý naýqany bastaldy. Eki aıǵa sozylatyn dás­túr­li naýqan qarashanyń 15-inde aıaqtalady. Bas­qa emhanaǵa aýysý úshin ne isteý kerek? Em­hana qandaı jaǵdaıda sizdi tirkeýden bas tar­týy múmkin? Osy jáne ózge de mańyzdy su­raq­­tarǵa Medısınalyq saqtandyrý qorynyń Alma­ty qalalyq fılıalynyń mamandary jaýap beredi.

  1. Azamattar qandaı jaǵ­daı­larda bastapqy medı­sı­na­lyq-sanıtarlyq kómek kór­se­tetin emha­na­ny aýystyra alady?

 - turaqty nemese ýaqytsha turatyn mekenjaıyn, oqý ornyn nemese jumys ornyn (basqa ákimshilik-birlik aýmaǵyna) aýys­tyr­ǵanda;

- emhana qaıta uıym­das­ty­ryl­ǵanda nemese ta­ra­tyl­ǵanda;

- erkin tańdaý quqyǵy boıynsha jylyna bir ret;

- jyl saıynǵy tirkeý naýqany kezinde.

  1. 15 qyrkúıek pen 15 qa­ra­sha aralyǵynda ótki­zile­tin tirkeý naýqany sheń­be­rin­de emhanaǵa tir­kelý tár­ti­bi qandaı?

Azamattar bastapqy me­dısınalyq-sanıtarlyq kómek uıymdaryna Egov portaly arqyly tirkele alady. Ol úshin ne isteý kerek?

- Aldymen Egov portalyna tirkelý qajet;

- «Densaýlyq saqtaý» bóli­minde «Bastapqy medı­sınalyq-sanıtarlyq kómek kórsetetin medısına uıymyna tirkeý» sanatyn tańdańyz;

- Turatyn óńirdi, tirkelgińiz keletin medısına uıymyn kór­se­te­siz, mekenjaıyńyz ben baı­la­nys telefondaryn qal­dy­ry­ńyz;

- «Tirkelý sebebi» bóliminde «tirkeý naýqanyn» belgileńiz;

О́tinish bir jumys kúni ishinde qara­lady, jaýaby jeke kabı­ne­tińiz­ge keledi.

  1. Emhanaǵa tirkelýdiń bas­qa qandaı joldary bar?

Azamattardyń keıbir sanattaryna emhananyń tirkeý bólimine baryp, ótinish jazý arqyly tir­ke­lý­ge múmkindik berilgen. Ol úshin jeke kýálik bolsa jet­kilik­ti. Bul múmkindikti:

- zeınetkerler men múge­dek­ter;

- stýdentter;

- balalardyń zańdy ókilderi men balalyq shaqtan múgedek azamattardyń qamqorshylary;

- shetelde týǵan balalar;

- túrmede jazasyn ótep jat­qan­dar;

- áskerı boryshyn ótep jat­qan jaýyngerler;

- balalar men bóbekter úıiniń, qarttar úıiniń turǵyndary;

- resmı senimhat negizinde tirkelgisi keletin azamattar paıdalana alady.

  1. Pasıent tirkeý naýqany kezinde tańdaǵan emhana qyz­me­tin qaı kezden bastap paıda­la­na alady?

Dástúrli naýqan kezinde emhana aýystyrǵan azamattar atalǵan medısına uıymynyń qyzmetin kelesi jyldyń 1 qańtarynan bas­tap paıdalana alady. Al jyl sońyna deıin buryn tirkelgen emdeý mekemesiniń qyzmetine júginedi.

  1. Emhana qandaı jaǵdaıda siz­di tirkeýden bas tartýy múm­kin?

1) pasıent jibergen qujat­tar­daǵy málimettiń qate bolýy;

2) pasıenttiń mekenjaıynyń tańdap alynǵan emdeý mekemesi ornalasqan birlik aýmaǵynan alystyǵy;

3) bir dárigerge tirkelgen adam sanynyń 1700 adamnan, ýchaskelik terapevke tirkelgender sanynyń 2200-den, ýchaskelik pedıatrǵa tirkelgen 0-6 jasqa deıingi balalar sanynyń 500-den, 0-14 jasqa deıingi bala sanynyń 1400-den asyp ketýi;

4) balanyń nemese joǵaryda kórsetilgen tulǵa­lar­dyń zańdy ókili ekenin rastaıtyn qujattyń joq­ty­ǵy.

  1. Emdeý mekemesi tirkeýden negiz­siz bas tartsa, ne isteý kerek?

Ondaı jaǵdaıda pasıent Qordyń 1406 baılanys ortalyǵy arqyly nemese Qoldau 24/7 qosymsha arqyly shaǵym qaldyra alady.

  1. Jekemenshik medısına uıymdaryna tirke­lý­ge bola ma?

Azamattar memlekettik qana emes, jekemenshik klınıkalarǵa da tirkele alady. Bastysy, siz tańdaǵan klınıkanyń Medı­sı­nalyq saqtandyrý qo­rymen kelisimsharty bolsa boldy. Qazirgi tańda Almaty qalasy boıynsha bastapqy medısınalyq-sanıtarlyq kó­mek kórsetetin emhana sany – 73, onyń jartysyna jýyǵy – jekemenshik.

  1. Eger tirkelgen emhanańyz sizge qajetti qyz­met­ti kór­set­pe­se ne isteý kerek? Basqasyna aýysý qa­jet pe?

Sizge qajetti qyzmetterdiń keı­biri (konsýl­ta­tıv­tik-dıag­nos­tıkalyq qyzmet, salalyq ma­mandar qyzmeti) tirkelgen emhanada kórsetilmeıtin bolsa, basqasyna aýysýdyń qajet joq. Mundaı jaǵdaıda emhana sizge basqa emdeý mekemesine joldama berýi tıis. Joldama qosymsha kelisimshart negizinde beri­le­di.

  1. Saqtandyrylmaǵan aza­mat­­tar emhanaǵa tir­ke­le ala ma?

Emhanaǵa tirkeý kepil­den­diril­gen medısınalyq kómek pa­keti sheńberinde júrgiziledi. Sondyqtan tirkelý úshin saq­tan­dy­rý statýsy bolýy shart emes.

  1. Tirkeý naýqanyna qaty­syp jatqan emhana­lar tizimin qaı­dan alýǵa bolady?

Tirkeý naýqanyna qatysatyn emdeý mekemeleriniń tizi­mimen Qordyń fms.kz saıty arqyly tanysýǵa bo­lady (https://fms.kz/kk/content/tmkkk-zhne-mms-zhetkizushilerinin-tizilimi). Tizim­de fılıalmen jumys isteıtin bar­lyq emdeý uıymdary (stasıonarlar da, emhanalar da) kórsetilgen. Tirkelý úshin emhanalardy tańdaý qajet.

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar