Qoǵam • 29 Qyrkúıek, 2020

33 mln teńge aıyppul salyndy

77 ret kórsetildi

Aqtóbe oblysynyń taýarlar men kórsetiletin qyzmetterdiń sapasy men qaýipsizdigin baqylaý departamenti 8 aıda 79 ákimshilik is qozǵap, dári-dármek baǵasyn negizsiz kótergenderge 33 mln teńge aıyppul saldy.

Qazirgi kezde óńirdegi barlyq dárihanada medı­sınalyq betperde men qajetti dári-dármek qory jetkilikti. Shilde aıynda oblystaǵy dárihanalarda qyzýdy basatyn jáne vırýsqa qarsy dáriler tapshylyǵy týyp ári qajetti dári-dármek baǵasy kúrt kóterilip ketken kezde oblys ákimdigi, oblystyń taýarlar men kórsetiletin qyz­metterdiń sapasy men qaýip­­sizdigin baqylaý depar­ta­­menti, farmasev­tıka­lyq qyzmetti qoldaý jáne damytý qaýymdastyǵy jáne qa­ýymdastyqqa múshe emes uıymdar arasynda dári-dár­mek baǵasyn shekten asyrmaý, dárilik zattardyń shekti bólshek saýda baǵasyn saqtaý jóninde memorandým jasaldy. Osy kelisim negizinde farmasevtıkalyq qyzmetpen aınalysatyn barlyq nysan sýyq tııý men qyzýdy basatyn bes túrli dárilik zattyń baǵasyn birqalypty ustap turýǵa kelisti.

Búginde oblystaǵy pro­vızorlyq stasıonar jabylyp, tek juqpaly aýrýlar aýrýhanasy ǵana jumys istep tur. Buǵan qosa kúzgi tolqynǵa daıyndyq sharalary júrip jatyr.

«3588 tósektik oryn da­ıyndaldy. Olar eki sanatqa bólinetin bolady. Aqtóbe medısına ortalyǵy men ftı­zıo­pýl­monologııalyq or­ta­lyq sııaqty birinshi sanat­taǵy mekemelerde 1040 oryn, ekinshi sanat­ta­ǵy stasıonarlarda 2548 oryn qa­ras­ty­rylǵan. 305 rea­nı­masııalyq kere­ýet ashý jos­parda bar», deıdi oblys áki­mi­niń orynbasary Nurjaýǵan Qalaýov.

О́ńirdegi medısına meke­me­leriniń materıaldyq-teh­nıkalyq bazasy nyǵaıtylyp, qazan aıynda 187 ókpeni ja­san­­dy tynystandyrý apparaty jetkiziledi dep kútilip otyr. Munymen bir kezde bir kompıýter tomografy, 13 sta­sıo­narlyq rentgen apparaty, eki jyljymaly rentgen apparaty, avtonomdy ottegi stansasy men eki jyljymaly medısınalyq keshen, sonymen qatar basqa da qural-jabdyqtar satyp alynbaq.

 

Aqtóbe oblysy

 

Sońǵy jańalyqtar

Atyraýda 9 balany ıt talady

Aımaqtar • Keshe

Uqsas jańalyqtar