Álem • 29 Qyrkúıek, 2020

Indettiń betalysy irkilissiz

21 ret kórsetildi

Úndistan túbeginde COVID-19 taǵy 82 170 adamnan tabylyp, juq­tyr­ǵan­dar sany 6 mıllıonnan asyp ketti.

Eldiń densaýlyq saqtaý mınıstr­li­gi­niń málimeti boıynsha ótken táýlikte indet 1039 úndistandyqtyń ómirin jalmady. Pandemııa bastalǵaly
95 542 azamatynan aırylǵan bul el aýrý juqtyrýdan AQSh-tan keıingi orynda tur.

Úndistan bıligi KVI-men kúreske baryn salǵanymen, tynysh zamannyń ózinde kedeıi kóp, sanıtarlyq normalar saqtala bermeıtin el aýrýdan kóz ashar emes. Osy kúnge deıin jalpy 6 074 702 adam indet juqtyrǵan.

 * * *

Argentınanyń densaýlyq saqtaý mınıstrligi bir táýlikte 8 myńnan asa adamnyń aýrý juqtyrǵanyn habarlady.

Dálirek aıtqanda, 8 841 adam dimkás. Osylaısha, elde indettiń ilmegine ilikkenderdiń jalpy sany 711 325 jandy qurap otyr. Bir táýlikte 206 pasıenttiń demi taýsylyp, qurbandar sany 15 479 adamǵa jetti. Buryn Argentınada bir kúnde 11 myń vırýs juqtyrý jaǵdaıy tirkelgen kún de bolǵan.

Jalpy, Latyn Amerıkasynda COVID-19 qarqyny óte qatty. Birneshe aıdyń júzinde pandemııa kórsetkishi boıynsha álemde ekinshi orynda kelgen Brazılııanyń da osy qurlyqtan ekenin eske sala keteıik.

 * * *

Kolýmbııa COVID-19-ben kúreste diń jasýshalaryn qoldanbaqshy.

Eldiń densaýlyq saqtaý mınıstrligi KVI-men kúreske diń jasýshalaryn paıdalaný tájirıbesin qolǵa alǵanyn jazdy. Epıdemıolog Santıago Saldarrıagı «Pasıentter arasynan 40 naýqasty iriktep alyp, olardyń 20-syna diń jasýshalaryn qoldaný arqyly em júrgizilip, qalǵan 20-synda ádettegi terapııa qoldanyldy. Ekeýin salystyra kele, diń jasýshalarynyń ajalmen aıqasta qandaı kúshi barlyǵyn biletin bolamyz», dedi.

Kolýmbııada bir kúnde 7 018 adam vırýs juqtyrǵan. Indet bastalǵaly 813 056 kolýmbııalyqtan koronavırýs ınfeksııasy anyqtaldy. Keshe 192 adam kóz jumyp, jalpy qurbandar sany 25 488 jandy qurady.

 * * *

Máskeý meri Sergeı Sobıanın men Máskeý oblysynyń gýbernatory Andreı Vorobev sońǵy ýaqytta vırýstyń órshýine baılanysty azamattarǵa shekteý sharalarynyń mańyzdylyǵyn málimdedi.

Máskeýde dúısenbiden bastap metro stansalarynda aýyz-muryndy jaýyp júrý rejimin qadaǵalaý bastalǵan. Endi jolaýshylar mindetti túrde qyzýyn ólsheýge qarsylyq tanytpaýy tıis. 65 jastan asqan jáne sozylmaly aýrýlary bar adamdarǵa úılerinde qalyp, bólek turatyn týysqandarmen de aralasýdy shekteýge keńes berildi. Alaıda taza aýaǵa shyǵyp turýǵa eshqandaı ty­­­ıym joqtyǵy aıtylǵan. Al azyq-túlik, qajetti taýarlar alýdy otbasynyń jasy kishi múshesi atqarǵany jón. Dári-dármekti, qajettilik týǵanda azyq-túlikti de «Qaýyrt jeliler» arqyly tapsyryspen alýǵa bolady.

Sobıanın jumys berýshilerge múmkindiginshe azamattardy qashyqtan jumys isteıtin etip, al olaı ete almaǵan kúnde barlyq saqtyq sharalaryn muqııat qadaǵalaý qajettigin qadap aıtqan. Mer sońǵy táýlikterde aýrýdyń órshýine alańdap, jeksenbi kúni jańadan 2 016 aýrý tirkelgenin, mundaı jaǵdaıdyń 2 maýsymnan keıin bolmaǵanyn jetkizgen.

 * * *

Le Monde gazeti fransýzdardy katolıktik Rojdestvo meıramy ýaqytynda aýrýdan saqtaý úshin bılik shekteý engizýi tıis dep jazdy.

Baspasózdegi baǵanda 2019 jylǵy Nobel syılyǵynyń laýreaty Ester Dıýflo men úndi-amerıkalyq zertteýshi Abhıdjıt Banerdjı osyndaı paıymdaryn jazǵan. Ásirese bul shekteý jasy ulǵaıǵan jandar úshin qatań saqtalýy tıis, muny bıliktiń eskergeni jón degen.

 

 

 

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar