Elorda • 29 Qyrkúıek, 2020

Elordada karantın rejimin buzǵandar anyqtaldy

15 ret kórsetildi

Demalys kúnderi 20-dan astam karantın rejimin buzýshy anyqtaldy, dep habarlaıdy Egemen.kz elorda ákimdigine silteme jasap. 

"Karantındi buzǵan kásipkerlik sýbektiler sany azaımaı tur", dep málimdedi qalalyq Polısııa departamentiniń ókili.

Koronavırýs ınfeksııasynyń taralýyna jol bermeý úshin polıseıler, epıdemıologtar jáne aýdandyq ákimdikter ókilderinen quralǵan mobıldi toptardyń jumysy jalǵasýda.

Sonymen, demalys kúnderi kezekti reıd barysynda tekserýshiler jumys istep turǵan "ZIMA" baryn anyqtady. Mekeme ákimshiligi men qyzmet kórsetý qyzmetkerleri kesh ýaqyt pen shekteý sharalaryna qaramastan kelýshilerdi qabyldaýdy jalǵastyrǵan. Bul mekemede spırttik ishimdikter berilip, bı alańy jumys istedi.

Reıdtik top anyqtaǵan buzýshylyq derek boıynsha barǵa 18 kelýshi QR ÁQBtK-niń 437-baby boıynsha, túngi ýaqytta tynyshtyqty buzý boıynsha ákimshilik jaýapkershilikke tartyldy.

Bar ákimshisi zańnamaǵa sáıkes ákimshilik jaýapkershilikke tartyldy.

Kásip ıesine qatysty jınalǵan materıal prosessýaldyq sheshim qabyldaý úshin, taýarlar men kórsetilgen qyzmetterdiń sapasy men qaýipsizdigin baqylaý basqarmasyna joldandy.

Jalpy alǵanda, tártip saqshylary demalys kúnderi halyqtyń sanıtarlyq-epıdemııalyq talaptardy buzǵan 21 derek anyqtady.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar