Bilim • 29 Qyrkúıek, 2020

Bolashaq pedagogtardyń stıpendııasy 42 myń teńge boldy

73 ret kórsetildi

Bul týraly QR Bilim jáne ǵylym mınıstri Ashat Aımaǵambetov Facebook paraqshasynda jazdy, dep habarlaıdy Egemen.kz.

Ulttyq qoǵamdyq senim keńesiniń mamyr aıyndaǵy otyrysynda bilim men ǵylymdy damytý máseleleri negizgi taqyryp boldy. Otyrys qorytyndysy boıynsha Memleket basshysy Q. Toqaev bilim jáne ǵylym júıesi úshin mańyzdy tapsyrmalar berdi.

Pedagogıkalyq mamandyqtarǵa túsetin abıtýrıentterge qoıylatyn talaptardy arttyrý jáne stıpendııa mólsherin 42 myń teńgege deıin ulǵaıtý tapsyrmasy berildi.

"О́tken jyly stıpendııa mólsheri 21 myń teńgeni qurasa, Prezıdenttiń tapsyrmasynan keıin jeltoqsan aıynda 26 myń teńgege deıin ósti. Al 1 qyrkúıekten bastap bolashaq pedagogtardyń stıpendııasy 42 myń teńge mólsherinde bolyp otyr. Bul barlyq mamandyqtardyń ishindegi eń joǵarǵy stıpendııa bolady. Aıta keterligi, stýdentter kesheden beri osy stıpendııany ala bastady", dep jazdy Ashat aımaǵambetov.

Sondaı-aq, osy jyldyń maýsym aıynan bastap pedagogıkalyq mamandyqtarǵa túsý úshin shekti ball birden 70-ke deıin kóterildi.

"Pedagog mártebesi týraly" zańdy qabyldaýdyń jáne atqaralyǵan sharalardyń arqasynda bıyl "Altyn belgi" tósbelgisi ıegerleriniń arasynda pedagogıkalyq mamandyqty tańdaǵandar sany 1,7 ese ósti, al kóptegen baǵyttar boıynsha ortasha ball 100-den asty. Eger birneshe jyl buryn pedagogıkalyq mamandyqqa túsýshilerdiń ortasha baly 65-ti qurasa jáne pedagog mamandyǵy túlekter arasynda kóp suranysqa ıe bolmasa, qazir joǵary ball jınaǵan myqty túlekter pedagogıkalyq baǵyttar boıynsha oqýǵa túse bastady", dep jazdy ol.

Sondaı-aq UQSK qorytyndysy boıynsha berilgen tapsyrmalar aıasynda doktoranttardyń stıpendııasy 102 myńnan 150 myń teńgege deıin ósti.

"Mundaı shara jas ǵalymdardy qoldaý úshin óte mańyzdy, óıtkeni doktoranttardyń otbasylary bar jáne olar óz zertteýlerin júrgizýmen aınalysady. Budan bólek 2020 jylǵy qyrkúıek aıynan bastap memlekettik granttyń quny aıtarlyqtaı ósti. Bul nege mańyzdy? Bul joǵary oqý oryndaryna oqytýshylardyń jalaqysyn arttyryp, materıaldyq-tehnıkalyq bazasyn nyǵaıtýǵa múmkindik beredi. Prezıdenttiń Ulttyq qoǵamdyq senim keńesiniń qorytyndysy boıynsha bergen tapsyrmalarynyń barlyǵy erekshe baqylaýda jáne belgilengen merzimde oryndalatyn bolady", dep jazdy mınıstr.

 

Sońǵy jańalyqtar

Atyraýda 9 balany ıt talady

Aımaqtar • Keshe

Uqsas jańalyqtar