Qoǵam • 29 Qyrkúıek, 2020

Almatyda avtokólik aınalaryn urlaǵan 2 adam ustaldy

8 ret kórsetildi

Qymbat jol talǵamaıtyn kólikterdiń aınasyn urlaǵan eki adam ustaldy, dep habarlaıdy Polisia.kz.

"Bizdiń bólimshe qyzmetkerleriniń kúshimen, Almaly aýdandyq Polısııa basqarmasy áriptesteriniń kómegimen buryn múliktik qylmys jasaǵany úshin birneshe ret sottalǵan 1986 jyly týǵan B. esimdi azamat ustaldy. Ol qala aýmaǵynda avtokólik aınalaryn urlaýmen aınalysqan jáne belgili bolǵandaı, olardy “Kar sıtı” saýda úıinde satatyn orny bar satýshyǵa satqan. Jedel is-sharalar barysynda urlanǵan zattardy satyp alýshy – 1985 jyly týylǵan T. esimdi azamat ta ustaldy. Búgingi tańda alty elıtalyq kólikten, negizinen “Toyota Land Cruiser 200” markaly jol talǵamaıtyn kólikterden aına urlyǵyna “qylmystyq dýettiń” qatysy bar ekendigi anyqtaldy. Satyp alýshy urlanǵan múlikti óziniń jumys ornynda satatyn bolyp shyqty. Aıǵaqty zattar alyndy jáne qylmystyq isterdiń materıaldaryna qosa tirkeldi", – dedi Almaty qalalyq PD krımınaldyq Polısııa basqarmasynyń bastyǵy Erkin Ińkárov.

Eki kúdikti de qamaýǵa alyndy. Urynyń áreketi QR QK-niń 188-baby (Bireýdiń múlkin urlaý), qylmystyń taǵy bir sybaılasy – T.azamat, QR QK-niń 196-baby (Urlanǵan zatty satý) boıynsha qylmystyq jaýapkershilikke tartyldy. 

Aıta keteıik, jyl basynan beri shaharda aına urlyǵy 2,3 esege azaıǵan. Búıirlik aınalardy urlaýmen aınalysqan 17 adam ustaldy, urlanǵan taýarlardyń taǵy 41 satyp alýshysy qylmystyq jaýapkershilikke tartyldy. Ol urlanǵan múlikti satyp alý men satýdyń 161 faktisi boıynsha óziniń kinásin dáleldedi.

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar