Aımaqtar • 29 Qyrkúıek, 2020

Qyzylorda oblysynda 2805 kásipker memlekettik grant aldy

55 ret kórsetildi

Qyzylorda óńirinde "Eńbek" baǵdarlamasy arqyly jumyssyz azamattar eńbekpen qamtylyp, jańa bıznes ıdeıalaryn damytýǵa múmkindik alǵan, dep habarlaıdy Egemen.kz oblys ákiminiń baspasóz qyzmetine silteme jasap.

Úsh baǵytty qamtıtyn baǵdarlamaǵa oblystyń 23 myńǵa jýyq azamattary qatysqan. 830 azamat kásiptik bilim alý úshin qaıta daıarlanýdan ótken. Al, 2272 adam kásipkerlik baǵytta kýrstan ótip, sertıfıkat alǵan.

Munan bólek, aýyldaǵy jáne qalalardaǵy kásipkerlik bastamalardy qoldaý nátıjesinde 549 adam shaǵyn nesıe alýǵa qol jetkizgen. Bul qosymsha 510 jańa jumys oryndaryn ashýǵa múmkindik beredi.

Eń bastysy jańa bıznes ıdeıalary arqyly memleketten grant alǵandar kóbeıgen. Bıyl 2805 kásipker bızneste tyń ıdeıalar usynyp, grantqa qol jetkizgen.

Budan bólek, óńirde 5506 adam bos oryndardan qyzmet tapqan. Al, 1179 azamat áleýmettik jumys oryndarynan qyzmet tapqan. Jyl basynan beri "Jastar tájirıbesi" arqyly da qyzmetke alynǵan jastar qatary 3175-ǵa jetken. Onyń ishinde 233 adam turaqty jumysqa ilikti. Qoǵamdyq jumys arqyly 284 adam jumyspen qamtylǵan.

Aıta keteıik, baǵdarlamadan tys óńirde 113162 adam beıresmı jumyspen qamtylyp, qyzmetke alynǵan.

Sońǵy jańalyqtar

Atyraýda 9 balany ıt talady

Aımaqtar • Keshe

Uqsas jańalyqtar