Qoǵam • 29 Qyrkúıek, 2020

Qarýly Kúshterde qorytyndy tekserý qazan aıynyń birinshi jartysynda ótedi

8 ret kórsetildi

Qorǵanys mınıstrliginde apparattyq keńes ótti. Keńes barysynda taıaý kezeńge mindetter qoıyldy, dep habarlaıdy Egemen.kz Qorǵanys mınıstrliginiń baspasóz qyzmetine silteme jasap.

Apparattyq keńeste eń aldymen, basshylyq qurammen ótken «Aldaspan-2020» jedel-taktıkalyq komandalyq-shtabtyq oqý-jattyǵý qorytyndysy shyǵaryldy. Atalmysh oqý-jattyǵýdy ótkizý barysynda alynǵan tájirıbeni belsendi engizýge nusqaý berildi. Bul, eń aldymen, áskerler tobyn qoldaný formalaryna, bólimshelerdiń is-qımyl ádisterine jáne baǵynysty kúshter men quraldardy basqarýdaǵy organdar jumysyna qatysty bolmaq.

Jeke quramdy aýystyrý úshin arnaıy operasııalar barysynda áskerı-kólik avıasııasyn paıdalanýdy jetildirý joldary belgilengen. Qazirgi ýaqytta  tikushaqtardan ǵana emes, Qazaqstan armııasynyń qarý-jaraq quramyndaǵy Sı-295 ushaqtarynan da parashıýtpen desant túsirýge múmkindik beretin sharalar qabyldaý tapsyryldy.

Desanttyq-shabýyldaý áskerleri men Arnaıy operasııalar kúshteriniń qolbasshylyǵy aldaǵy iri is-sharalar josparlaryn tolyq jáne sapaly iske asyrý jóninde tapsyrma aldy. Bul Tilendıev aýylyndaǵy oqý ortalyǵynda ótetin keshendi bitimgershilik oqý-jattyǵýy men «Altyn jebe» arnaıy operasııalar kúshteriniń komponentterin tekserý. «Is-sharalar barysynda ońaılatýǵa jol berýge bolmaıdy, barlyq oqý-jaýyngerlik mindetter tolyq kólemde oryndalýy tıis», - dep atap ótti Qorǵanys mınıstri general-leıtenant Nurlan Ermekbaev.

Keńeste polıgondarda atys pen oqý-jattyǵýlardy ótkizý kezinde áskerı qyzmetshiler men halyqtyń qaýipsizdigin qamtamasyz etý boıynsha qosymsha sharalardy engizý jóninde nusqaý berildi. Qorshaý men baqylaýshylardy shyǵarýmen qatar, ushqyshsyz ushý apparattaryn paıdalana otyryp, oqý-jattyǵý alańdary men irgeles aýmaqtardy sholý men baqylaý júrgizý, al málimetterdi naqty ýaqytynda atys pen oqý-jattyǵý basshylyǵyna sharalar qabyldaý úshin berý josparlanýda.

Áskerlerdi páterlerge ornalastyrý bas basqarmasynyń bastyǵy Qorǵanys vedomstvosy basshysynyń jumys saparynyń nátıjeleri boıynsha qabyldanǵan sharalar jóninde baıandady. Barlyq garnızondardaǵy qazandyqtar men qubyr jelileri qysqa tolyq daıyn. Sonymen qatar, qarasha aıynda aıaqtaý josparlanǵan ǵımarattardy jóndeý jumystary jalǵasýda. Osyǵan baılanysty júıeli sharalar, sonyń ishinde qıyndyqtardy boldyrmaý úshin normatıvtik-quqyqtyq sharalar ázirlenýde. Atap aıtqanda, bul áskerı nysandarda jumys isteýge ruqsat berý tártibine, merdigerlerdi tańdaý kezindegi konkýrstyq rásimderge, sondaı-aq osyndaı jumystardy uıymdastyrý úshin biryńǵaı operatordy aıqyndaýǵa qatysty bolýǵa tıis.

Qarýly Kúshter basshylyǵyna Tyl jáne qarý-jaraq bastyǵy jeke quramnyń qysqy kıim-keshekpen, al áskerı tehnıkanyń janar-jaǵarmaı materıaldarymen tolyq qamtamasyz etilýi týraly málimetterdi usyndy.

Qarýly kúshterde áskerlerdi qorytyndy tekserý merzimi belgili boldy. Qorytyndy tekserý 5-16 qazan aralyǵynda ótpek. Oǵan jeke quramnyń 100% qatysady. Árbir áskerı qyzmetshi normatıvterdi oryndaý, synaqtar men test tapsyrý qorytyndylary boıynsha óziniń kásibıligi negizinde baǵalanady. Bólimshelerdiń jaýyngerlik qabilettiligi men úılesimdiligi, komandırlerdiń jeke quramdy basqara bilýi eseptik kezeńde ótkizilgen oqý-jattyǵýlardyń nátıjeleri boıynsha baǵalanatyn bolady.

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar