Rýhanııat • 29 Qyrkúıek, 2020

Japon radıosynda da Dımashtyń ánderi shyrqalady

33 ret kórsetildi

Qazan aıynyń 1-nen bastap japondyq "FM Kiryu" radıojelisiniń "More Music" ıaǵnı úlken áýender dep atalatyn baǵdarlamasynda qazaqstandyq Dımash Qudaıbergenniń ánderi shyrqalatyn bolady, dep habarlaıdy Egemen.kz Dimash.news saıtyna silteme jasap.

"FM Kiryu" jelisi 2007 jyly alǵash ret efırge shyqty.

Al "More Music" – tyńdarmanǵa álemdegi eń úzdik ánderdi jetkizetin baǵdarlama. Bir aıda eki ret qana efırge shyǵady. Baǵdarlamanyń 1 qazandaǵy arnaıy shyǵarylymy "Dimash special feature" dep atalady. Qazaqstandyq ánshiniń "Aqqýym", "Across Endless Dimensions", "Restart My Love", "War and Peace" ánderi shyrqalady. Kelesi kúni qazannyń 2-de baǵdarlama qaıtalaýy ótedi.

D


1 qazan kúngi baǵdarlama ýaqyty:

Nur-Sultan ýaqytymen 16:06-den-16:59-deıin;

Máskeý ýaqytymen 13:06 –den 13:59-deıin;
Kıev ýaqytymen 13:06 -den 13:59-deıin;
Tokıo ýaqytymen 19:06-den 19:59- deıin.

2 qazan kúngi qaıtalaý ýaqyty:

Nur-Sultan ýaqytymen 10:06-den-10:59-deıin;
Máskeý ýaqytymen 07:06 -den 07:59-deıin;
Kıev ýaqytymen 07:06 -den 07:59-deıin;
Tokıo ýaqytymen 13:06-den 13:59- deıin.

Maýsym aıynda "FM Kiryu" radıosy, Japon Dears ótinishimen Dımashtyń "Screaming" ánin efırge shyǵardy. Qazaqstandyq ónerpazdyń daýysyn estigen radıo júrgizýshiler tańdaı qaǵyp, úlken áser aldy. Efır barysynda olarǵa tyńdarmandar habarlasyp, alǵystaryn bildirip, oń pikiriler aıtyldy.

Birinshi translıasııadan soń japondyq jankúıerler súıikti ánshileriniń týyndylaryn radıojeli arqyly taǵy da shyrqalýyn surap, usynys bildirdi. Alǵashynda qazaq ulynyń bir ǵana áni qoıylsa, endi  "Dimash special feature" arnaıy baǵdarlamasynda Dımashtyń tórt birdeı týyndysy translıasııalanady.

Japonııada avtorlyq quqyq qatty qadaǵalanady. Sondyqtan radıodan beriletin ánderdiń sanyna shekteý qoıylady. Alaıda Dımashtyń fan-klýb ókilderi súıikti ánshileriniń týyndylaryn radıodan berý úshin bar kúshterin saldy. Olardyń eń birinshi qalaýy "Aqqýym" áni.

Japonııadary Dear-lar óz eliniń radıosynan qazaq tilindegi áýenniń oryndalýyna qol jetkizdi.

"Dımashqa qanshalyqty qarasaq, onyń vokaldyq qabiletterine sonshalyqty tańdanamyz. Sondyqtan biz onyń jumysyna qoldaý kórsetýge daıynbyz ári ony júzege asyrǵanymyzǵa qýanyshtymyz", dep jazdy radıobaǵdarlama júrgizýshisi Kato Kadzýdjı Dımashtyń fan-klýbyna.

Mundaı jyly habarlama alǵan olar Dımashtyń áni japon radıosynda áli de áýeleıtinine senimdi.

 

Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar