Elorda • 29 Qyrkúıek, 2020

Nur-Sultanda taǵy bir Arbat salynady

19 ret kórsetildi

Jańa qoǵamdyq keńistik Respýblıka dańǵylynan Q.Qýanyshbaev atyndaǵy Qazdramteatrge deıin Omarov kóshesiniń boıynda ornalasady. Bul týraly Nur-Sultan qalasynyń ákimi Altaı Kólginov Instagram-daǵy paraqshasynda jazdy, dep habarlaıdy Egemen.kz.

"Respýblıka dańǵyly jaǵyndaǵy fontandy qaıta qurý jumysyn júrgizemiz. Ol jylǵaǵa qaraı aǵady. Al sol jylǵa boıynda balalarǵa arnalǵan sýmen oınaıtyn elementter ornatamyz. Buǵan qosa Arbat aýmaǵynda qalalyqtar men elorda qonaqtarynyń kóńilinen shyqqan aspaly átkenshek ornatylady. Balalar úshin jeke sport jáne oıyn alańdary, tynysh aýmaqtar, kovorkıng-ortalyq syndy tegin semınarlar men til sabaqtaryn ótkizýge arnalǵan jeke zonalar jasalady", dep jazdy qala ákimi.

Onyń aıtýynsha, kópir asty keńistigi aýmaǵynda balalarǵa arnalǵan ekoalań men aspaly saıabaq jasalady. 

"Beıbitshilik kóshesinen Respýblıka dańǵylyna deıin velojol salynady. Memleket basshysy buqaralyq sporttyń damýyna erekshe kóńil bóledi. Sebebi kásibı sport pen salaýatty ómir saltyna deıingi jol aýla sporty – qoǵamdyq keńistikter men aýlalardan bastalady. Olar ár adamǵa qoljetimdi bolýy tıis. Bıyl 54 iri qoǵamdyq keńistik pen 150 aýla jasap, abattandyrdyq. Bunyń ózi ǵana 300 myńnan astam adamdy qamtýǵa múmkindik berdi. Bul jumystardy kelesi jyly da jalǵastyramyz", dep jazdy Altaı Kólginov.

Sońǵy jańalyqtar

Elordada 1700-den astam jumys orny quryldy

Aımaqtar • Búgin, 17:30

Aralda adasqan ańshy tabyldy

Aımaqtar • Búgin, 14:10

Nur-Sultanda kottedj órtenip jatyr

Oqıǵa • Búgin, 12:27

Uqsas jańalyqtar