Qoǵam • 29 Qyrkúıek, 2020

Tehnıkalyq qadaǵalaý esebi avtomattandyryldy

4 ret kórsetildi

IIDM Qurylys jáne turǵyn úı-kommýnaldyq sharýashylyq isteri komıteti biryńǵaı aqparattyq júıeni engizý boıynsha jumys júrgizip jatyr. Qaǵaz qujat aınalymyn odan ári túzetý múmkindiginsiz tikeleı júıede qajetti atqarýshy tehnıkalyq qujattardy qalyptastyrý jolymen edáýir qysqartý kútilýde, dep habarlaıdy Egemen.kz.

Júıe qurylystyń barlyq kezeńderin – qazanshuńqyrdan bastap qurylystyń aıaqtalýyna deıingi kezeńdi qamtıdy. Jasyryn jumystardyń barlyǵy aktilermen aıaqtalyp qana qoımaı, foto jáne beıne formatta saqtalatyn bolady.

Osy Júıeniń jumys isteý prınsıpi qurylystyń barlyq qatysýshylary (tapsyrys berýshi, merdiger uıym, tehnıkalyq jáne avtorlyq qadaǵalaý) úshin biryńǵaı sıfrlyq alań usynylatyndyǵynda, onda elektrondyq sıfrlyq qoltańba kómegimen barlyq qajetti ruqsat berý qujattary men JSQ júkteletin bolady jáne barlyq qatysýshylar atqarýshylyq-tehnıkalyq qujattamany (aktiler, jýrnaldar, nusqamalar jáne t.b.) tikeleı júıede toltyryp, júrgizetin bolady.

«Bir tereze» qaǵıdaty boıynsha qurylys júrgizýdi uıymdastyrý úshin biryńǵaı júıeni engizý sheńberinde tehnıkalyq qadaǵalaýshylardyń aı saıynǵy esepterin berý avtomattandyryldy. Bul biryńǵaı alań tehnadzorlardyń eńbek qyzmetiniń obektileri boıynsha qadaǵalaýǵa jáne elimizdiń ártúrli óńirlerinde qyzmet kórsetý faktileriniń jolyn kesýge múmkindik beretin esepterdi tapsyrýǵa arnalǵan. Búginde barlyq óńirler osy júıege qosylǵan. Esepter elektrondy túrde beriledi, prosess ortalyqtandyrylǵan.

Qazirgi ýaqytta esepter boıynsha otandyq taýarlardy qoldaný obektilerinde qadaǵalaýǵa normatıvtik jáne tehnıkalyq bólik pysyqtalýda.

Sońǵy jańalyqtar

Almaty oblysynda sehta jarylys boldy

Qoǵam • Búgin, 15:50

ShQO-da blokbeketter qaıta qoıylady

Aımaqtar • Búgin, 14:15

Almatydaǵy JEO-2 gazǵa qalaı aýysady?

Aımaqtar • Búgin, 12:10

Qazaqstanda dollar qymbattady

Ekonomıka • Búgin, 11:37

Uqsas jańalyqtar